IBSC 2018 senipak enggau isu penyakit berampit ditapi diatu Aum besai antarabansa tu diatur kenyau 18 Januari nyentuk seharitu bisi digulu urung 431 iku delegit
KUCHING: Urung 431 iku delegit nyereta Konferen Sains Biopengerai Antarabansa 2018 (IBSC 2018) ke diatur 18 Januari nyentuk seharitu, ba sebengkah hotel ditu.
Aum besai antarabansa ke ngena rambai jaku “Emerging Infectious Diseases” diatur Institut Perubat dan Pergigian Termaju (IPPT) Universiti Sains Malaysia (USM) nengah kerejasama Biro Konvensyen Sarawak (SCB).
IBSC 2018 udah dipenyadika Sapit Kepala Menteri Datuk Amar Douglas Uggah Embas, ti ngarika Kepala Menteri Datuk Patinggi Abang Johari Tun Openg.
Dalam jaku pengelalu iya, Direktor Kampus Pengerai USM Prof Dato Dr Ahmad Sukari Halim madahka aum besai nya diatur senipak bendar enggau penyakit berampit ke nyadi diatu.
“IBSC Ke-3 setipak bendar enggau rambai jaku ‘Emerging Infectious Disease’ti nyadi pelasar endur berandau sereta ngerembaika penerang pasal pekara pemadu baru dalam bidang tu,” ku iya.
Juluk aum besai nya nyadi pelasar ngempuruka semua raban pemasik enggau ke bukai dalam industri nya berandau sereta ngerembaika penerang pemadu baru dalam pemansik enggau perubat.
Delegit IBSC 2018 ukai semina ari menua tu tang nyengkaum ari Netherlands, Korea, Singapura enggau United Kingdom.
Nyerumba IBSC nya bisi diatur mega 1st International Symposium on Herbal Medicine ti dipasuk 117 iku ari 431 iku deligit IBSC.
Kelimpah ari nya, pesereta tauka deligit aum nya nyereta program komuniti ke alai sida meri servis perubat enda bebayar nengah program ‘Enriching the Bako Hulu Community Towards Sustainable Health’ ba Kampung Bako Hulu, ensanus.
Sama bisi datai Direktor Opis Pengerai Nengeri Sarawak Dr Jamilah Hashim, Chairman IBSC 2018 Associate Professor Dr. Doblin Sandai; Direktor IPPT USM Dr. Norehan Mokhtar enggau ke bukai.
IBSC Ke-3 setipak bendar enggau rambai jaku ‘Emerging Infectious Disease’ti nyadi pelasar endur berandau sereta ngerembaika penerang pasal pekara pemadu baru dalam bidang tu. Prof Dato Dr Ahmad Sukari Halim Direktor Kampus Pengerai USM