Ambi 10 minit dikena besenam, pengerai enda ulih dibeli enggau duit ringgit tang patut dijaga
MIRI: Mensia mayuh diperansang nguna 10 tauka 15 minit meri awak besenam nyadika daya idup bepengerai sereta lepau ari penyakit raya.
Kaban Kunsil Nengeri (ADUN) Piasau, Datuk Sebastian Ting Chiew Yew madah pengerai enda ulih dibeli enggau duit ringgit tang patut dijaga.
“Giga awak endur kita besenam, bejalai tauka belanda ngambika tubuh kita meruan gerai sereta lepau ari penyakit raya,” ku iya rambau Program Beperesai Pengerai Enda Bebayar diatur Gerempung Diabetes Malaysia Miri di Old Men Street, Miri kemari.
Nitihku Sebastian, penyedar ba raban komuniti chukup beguna lebih agi bejalaika pengawa meresa pengerai dikena nentuka tubuh meruan gerai.
“Rayat patut ngemeranka daya idup bepengerai sereta milih pemakai ke numbas iya dikena nentuka tubuh sida lepau ari penyakit,” ku iya.
Sebastian mega muji pro-
Giga awak endur kita besenam, bejalai tauka belanda ngambika tubuh kita meruan gerai sereta lepau ari penyakit raya. Datuk Sebastian Ting Chiew Yew ADUN Piasau
gram nya laban meri awak ngagai orang tuai enggau mensia mayuh meresa pengerai diri.
“Anang kita enda meresa pengerai diri, kita sigi enda nemu penyakit ke bisi ba tubuh kita lalu program baka tu patut dipajak,” ku iya.
Sebastian mega ngarapka mensia mayuh ulih nguna awak nya meresa pengerai diri ba program ke diatur gerempung enggau ejensi perintah.
Berebak enggau nya, Chairman Gerempung Diabetes Miri, Ting Chiew Mei madah program nya endang sebengkah ari aktiviti ke diperambu sida taun tu.
“Tu endang pengawa gerempung dikena mantu rayat sereta meresa penyampau gula dalam darah mensia mayuh ke bisi datai sehari tu (kemari),” ku terang iya.
Ba pengerami nya, lebih 50 iku orang tuai enggau mensia mayuh datai meresa pengerai diri.