Unifor bisi nyendia agih belanja ungkup gerempung jalai pengarap
KUCHING: Gerempung gerija diperansang ngenataika pinta bantu belanja ngagai ‘Unit for Other Religions’ (Unifor).
K a b a n K u n s i l Nengeri( Adun) Engkelili Dr Jochnical Rayong madah Unifor ke dibaruh kuasa opis kepala menteri bisi nyendia agih belanja ungkup gerija, tepikong enggau palan sembiang bansa bukai kelimpah Islam.
‘Agih belanja tu tau dipinta ari Unifor lalu tau dikena ngangkatmanah gerija tauka bebeli perengka ke diguna gerija,”ku Rayong.
Iya mansutka jaku nya ba Makai Lemai Ninting Taun Women’s Fellowship(WF), Gerija All Saints’ Tabuan Dayak di sebuah restauran ba Crown square ditu, malam ensanus.
Ngenang kaul ke sama, Rayong madah sedia mantu gerija enti sida bisi penanggul ngenataika pinta ngagai Unifor.
Ku iya, surat pinta tau dikenatai terus ngagai Unifor tauka diserah ngagai iya (Rayong).
“Surat nya tau mega disua ngagai aku lalu aku deka mai surat nya ngagai Unifor ngambi tau diperunding lalu dikemujur,”ku Rayong.
Kelimpah berami makai lemai, pengerami mega diatur enggau tuju ngumpul belanja dikena ngemesai dapur grija All Saints.
Rayong ba pengerami nya besemaya ngagihka bantu RM20,000 ngagai WF All Saints sereta RM5,000 ngagai Gerija All Saints.
Unifor ditumbuh kena 27 April 2017 asil buah runding Kepala Menteri ke dulu niang Datuk Patinggi Adenan Satem.
Bela datai Presiden DWF Mdm Leonara Sampai, Chairperson Pengatur Pengawa Mdm Maria Asim, Revd Bradley Sagang enggau orang bukai.