See: Atur ‘urutan jari’ ti deka digaga SPR maya PRU14 udah lama dipejalai
KUCHING: Atur ngena ‘urutan jari’ ke diberi kelala Opis Pengawa Bepilih (SPR) dalam Pengawa Bepilih Besai ke-14 (PRU14) tu ila, ukai pengawa baru, ku Mandal Chairman Parti Keadilan Rakyat (PKR) Nengeri, See Chee How.
See madah atur tu udah dikena dalam Pengawa Bepilih Besai Menua ke-11 (PRN ke-11) dalam taun 2016.
Atur ngena ‘urutan jari’ tauka meresa jari enggau silik, siti atur ke dikena, nyeliah pengundi ngundi dua kali, lalu nagang sebarang pengawa ngakal maya proses ngundi.
Taja pia, iya madah pengawa ti salah lebuh SPR bejalaika pengawa sida (maya bepilih) meri nama jai tauka negatif maya PRU tu ila lalu SPR patut ngaga mayuh agi chara bukai ke manah agi, enti deka nyeliah pengawa ngakal dalam pengawa bepilih.
“Pengenggai SPR begulai enggau gerempung orang ke nyadi tukang pansik tauka pemansik pengawa bepilih dalam menua tu sereta pemerati entarabansa ngujungka orang berasai enda lantang ati sentang integriti sereta komitmen SPR mutarka pengawa bepilih ke enda bechiping.
“Ukai semina nya aja, pengawa SPR ke beguai ngaga proses magi garis menua tauka entara sitak pengawa bepilih dataika sida enda ibuhka semua pemungkal atur pengawa ngaga entara garis menua ke digaga dalam menua demokrasi beparlimen di serata dunya, ngujungka (lekuk besar) dalam proses muai undi ke panjai datai ngagai penhgawa bepilih ti deka datai tu ila,” ku iya.
See ti mega nyadi Kaban Kunsil Nengeri ( ADUN) Batu Lintang, madahka penhgawa bepilih enda tau enda digaga nengah Atur Undangundang Perintah Besai, ke ngaga iya sebuah gerempung tauka opis bebas.
“Taja pia, pengawa tu agi ulih dikemutarka diatu, bedau laun endar ke SPR ngaul gerempung tukang pemerati pengawa bepilih, ngulihka sadang sida iya bekait enggau entara sitak sebedau ripot SPR di anjung ngagai parlimen, ngambika dikemendarka.
Pengawa PRU ke-14 tu ila, entara ke pengabis berat, ke betatika empas ke ditapi menua sereta pangku pengawa megai Perintah, alai pemerat tu nyadi entara pemerat ke matak dunya entarabansa.
Bepelasarka pemerat tu ku iya, SPR enda tau enda mandangka pengawa bepilih tu pengawa bepilih ke lurus sereta enda bechiping kena ngenanka demokrasyen beparlimen di Malaysia.