Safari Nginti Pulau Bruit 2018 deka diatur kena 24-25 Mac

SARIKEI: Safari Nginti Pulau Bruit 2018 deka diatur di Kampung Betanak, Pulau Bruit kena 24 enggau 25 Mac tu, nyediaka perais chukup manah.

Program ti diatur begulai Serakup Graduet Pulau Bruit (PGPB) enggau Palan Servis Kaban Parlimen Tanjung Manis, safari nginti dua hari berunggu nyediaka perais mata duit sepenyampau RM11,100 kelimpah trofi.

Kelimpah ari trofi, perais ungkup kategori tasik dalam iya nya RM3,000 penuduk lumur satu, RM2,000 (lumur dua), RM1,000 (lumur tiga), RM800 ( keempat), RM700 ( kelima), RM600 ( keenam), RM500 ( ketujuh), RM400 ( kelapan), RM300 ( kesemilan) lalu bela RM50 ngagai sida ti teulihka penuduk ke- 10 ngagai ke- 15.

Bela ngempu trofi, pemenang lumur satu ngagai tiga dalam kategori sungai deka nerima RM300, RM200 enggau RM100, seraya pemenang ba penuduk keempat ngagai ke-15 deka bela nerima RM50 siku.

Nitih ku penerang dikeluarka komiti pengatur, pekit tu nerima sebarang orang ti bisi ati lalu hari bulan tembu rejista pesereta urung pukul 4 lemai, 16 March 2018.

Sida ke bisi ati tau ngambi pom masuk pekit enggau penerang silik tau betanya ngagai Roduan Serap (0146776766); Saimi Sarkawi ( 016- 8005717); Aziz Sarkawi ( 016- 8851608), semua di Kuching; Aminuddin Sahdan ( 013- 8207394) ari SMK Semop; enggau Mustapa Akoh (011-19398016) ari Kampung Betanak.

Pom masuk pekit ti udah tembu diisi meseti dianjung ngagai komiti pengatur disempulang enggau bayar masuk pekit (RM50 ungkup kategori tasik dalam enggau RM20 ungkup kategori sungai) sebedau hari bulan abis.

Rintai program bukai nyerumba safari nginti tu iya nya Telematch Open; Tebuka Karaoke; Main Asal, Pekit Berapi, Pekit Ngelinsu Nembiak Mit, Pengawa Mandangka Moto enggau bangsal ti deka didiri endur peranak menua nya bejualka pemakai, ai irup sereta produk bukai.