TLDM ngatur Hari Nerima Mensia Mayuh 25 Februari
SIBU: Chairman Gerempung Serakup Sekula China Seati ( Dong Zong) Malaysia Temenggung Datuk Vincent Lau ngarap mayih agi pemenggi Sijil Peperiksaan Bersepadu ( UEC) di Sarawak minta pengawa puang ba opis perintah nengeri tu.
Dulu ari nya, iya nyadaka pengaga ati laban siku ari lapan sida bisi ngembuan setipikit UEC ke minta gawa perintah di Sarawak udah diterima mangku pengawa nya.
Lau madah, ex- kepala menteri niang Pehin Sri Adenan Satem sebedau tu kala mansutka jaku iya nya Sarawak deka terus ngaku sijil UEC sereta nerima sida ( pemenggi sijil UEC) ngagai servis opis perintah di nengeri tu.
“Pengudah jaku nya, kami terus nyidi sida ke ngembuan setipikit UEC ti bisi minta gawa perintah ba nengeri tu.
“Dia bisi lapan iku nembiak lepas UEC ke minta lalu lima ari sida udah dikanggu interbiu.
“Pengujung iya, taun nyin kemari, siku ari sida udah diterima gawa ba opis perintah di nengeri tu,” ku iya seraya nerang silik ensanus.
Lau ke mega Chairman Kaunsil Pengatur Gempung Sekula-Sekula Peribit China Sarawak mgarapka udah tu mayuh agi sida ke ngembuan sijil UEC minta gawa ba opis servis perintah nengeri.
Iya taja pia ngaku pengawa besemekih ngerebut pangku pengawa ke bisi puang ba opis perintah endang chukup balat.
Kenu ku iya, Sarawak ngembuan sekupa peribit China pemadu mayuh iya nya 14 buah.
Ku iya, penyampau nembiak sekula peribit China di Sarawak iya nya 8,600 iku. BINTULU: Soldadu Tasik Diraja Malaysia ( TLDM) deka ngatur Program Hari Terbuka beserimbai enggau pengawa keterubah penatai Kapal Latihan Gagah Samudera (KLGS) ke Bintulu kena 25 Februari (Hari Minggu) tu ba Pengkalan Bintulu Tanjung Kidurong.
KLGS sebedau tu sanngkai ba Pengkalan Pending Kuching kena 21 Februari tu tadi ba program ke sama.
Program nya ila betuju meri penerang ngagai mensia mayuh bekaul enggau batang pengawa soldadu tasik setipak enggau langgur TLDM ti deka numbuhka pengkalan baru TLDM di Bintulu iya nya Markas Wilayah Laut 4, ti deka meri peluang ngagai mensia mayuh beratika diri empu keresa TLDM enggau peluang minta nyadi ‘Rakan Maritim’ ( RAKAM) lalu nerang bekaul aplikasyen telefon pintar K3M.
Kelimpah nya, program tu mega dikena nanggam kaul peranak nengeri tu enggau komuniti maritim bekaul penyedar pengelikun maritim sereta sereta bekunsika penemu bekaul isu-isu pemadu baru maritim nyengkaum matak mayuh agi anak Sarawak minta pengawa nyadi soldadu tasik.
KLGS endang keresa baru TLDM ti ngambi nama Gagah Samudera ari Kapal Layar Diraja (KLD) Tunas Samudera TLDM.
Dulu ari nya, tusun pengawa nyambut penatai KLGS deka bepun pukul jam 9 pagi 24 Februari (Sabtu) ba Pengkalan Bintulu, ditangkan ngatur Hari Terbukaberengkah 8 pagi ngagai 5 lemai 25 Februari (Ahad) lalu udah nya pengerami `Request Pleasure of Company (RPC)’ begulai enggau bala ketuai opis perintah ba Bintulu urung pukul 12 tengah hari 26 Februari (Isnin) di KLGS, Pengkalan Bintulu.