ADAM50: Rayat Malaysia diperansang beranak mayuh Menteri Besai ngarap program ‘Amanah Dana Anak Malaysia’ ulih meransang ngemujurka juluk nya
KUALA LUMPUR : Datuk Seri Najib Tun Razak ngarap Amanah Dana Anak Malaysia (ADAM50) deka meransang mayuh agi penyampau rayat Malaysia ti ngadaka anak laban menua tu benung nuju ekonomi ke entap.
Menteri Besai madah menua nuju ekonomi ke entap selalu oua deka kurang penyampau anak ti ada.
Malaysia, ku iya, diatu napi pekara ke sebaka.
“Nyadi, sida deka bisi anak, pajak aja niat kita, tu pesan aku laban kitai begunaka rayat ti mayuh,” ku iya rambau program ‘Bajet 2018 Bersama Rakyat’ ba Palan Perubat Universiti Kebangsaan Malaysia ditu kemari.
Ba program nya, pelakon ke mega siku orang dagang Fizo Omar dipadu nyadi pematak randau lalu pengawa nya bisi digulu Ketuai Sekretari Pekara Belanja Tan Sri Dr Mohd Irwan Serigar Abdullah enggau Chairman Pekara Puku Nasional Berhad Tan Sri Abdul Wahid Omar.
Berebak enggau nya, Najib bisi ngelancharak ADAM50, munyi ke udah disebut dalam Bajet 2018, sereta ngabas wad orang beranak ba palan perubat nya seraya nyuaka hamper ngagai bala indai ke baru udah beranak.
Nengah ADAM50, anak mit ke ada berengkah 1 Jan 2018 nyentuk 31 Dis 2022 deka nerima belanja turu pemungkal RM200 nengah unit ASB (bagi Bumiputera) enggau AS1M (ukan Bumiputera) seagi dirijister dalam timpuh setaun berengkah haribulan pengada anak lalu duitbsimpan nya semina ulih diambi baru pengudah anak manggai umur 18 taun.
Najib berkata ADAM50, dana pertama dalam sejarah negara ini juga bertujuan meng- galakkan simpanan peribadi untuk ibu bapa muda.
“Nya kebuah kitai deka meransang runding rayat ngambika nyimpan ungkup dudi hari. Mayuh rayat kitai enda nyadang guna, anak kitai bisi utai deka diguna...(enti udah bisi akaun) kitai ulih nambahka nya mimit-mimit, lama- lama maya anak kitai deka masuk universiti, nadai penanggul (ari sukut belanja),” ku iya.
Berebak enggau nya, Abdul Wahid maya dirandau bisi nerangka pasal duit simpan penyampau RM200 nengah ADAM50 ke diberi perintah nya deka ditambah taja nadai duit simpan tambah ari apai indai.
“Taja apai indai nadai sebarang nambah, duit RM200 tu deka beranak manggai RM587, tang enti ditambah RM10 sebulan iya deka beranak manggai RM4,000 udah nya enti RM50 sebulan deka nyadi RM20,000 lalu enti RM100 deka nyadi RM40,000 maya umur anak udah genap umur 18 taun,” ku iya.
Ku iya naka tu, 4,600 iku anak mit udah dirijista nengah ADAM50, tauka urung 14 peratus ari penyampau semua anak mit ke direjster ba serata menua nengah Opis Pengerijista Bansa ( JPN). — Bernama