Tu berindik ari gaya rampa menua ke engkeman kelimpah nerima peminta ke tinggi, ku Nogeh
KUCHING: Bau bisi peluang besai ba pengawa nanam kulat tiram kelabu diatu nerima peminta tinggi di dalam enggau menua luar, ku Sapit Menteri Pengawa Bumai enggau Industri Betanam Betupi Datuk Anthony Nogeh Ngumbek.
Ku iya, berindik ari gaya rampa menua ti engkeman endur utai tanam nya, Institut Penyelidikan dan Kemajuan Pertanian Malaysia (MARDI) sereta opis menteri iya bebendar gawa mai dagang kulat tiram kelabu ngagai raban orang bumai di kandang menua nya.
Ba taun 2016 penyampau eksport kulat tiram manggai RM67 juta enggau pengawa ngeluar sepenyampau 4200 tan metrik dibida RM12 juta ba taun 2000, ku iya rambau aum pengarang berita pengudah bejadika Kus Nanam Kulat Tiram Kelabu di Redeem Centre, Kampung Apar Singai di Bau, urung 65 kilometer ari indu mengeri, kemari.
“Tu nyata ngayanka bisi belipat nambah lalu ngasuh temegah kelimpah ulih nyungkak penatai pemisi orang bumai dalam sektor betanam betupi. Nya kebuah kitai dekaka mayuh agi orang bumai di Mas Gading (sitak Bau) ngaul diri dalam ba pengawa nanam kulat tiram dikena meransang agi pejalai ekonomi ditu,” ku iya.
Lebih 200 pesereta ngulu kus ti diatur MARDI bekaul enggau teorienggau praktikal pasal pengawa nanam kulat tiram kelabu.
Sama bisi datai Kaban Kunsil Nengeri ( ADUN) Opar Datuk Ranum Mina, ADUN Tasik Biru Datuk Henry Harry Jinep enggau Direktor MARDI Sarawak Mohammad Noor Andros Yahya. — Bernama
Tu nyata ngayanka bisi belipat nambah lalu ngasuh temegah kelimpah ulih nyungkak penatai pemisi orang bumai dalam sektor betanam betupi. Nya kebuah kitai dekaka mayuh agi orang bumai di Mas Gading (sitak Bau) ngaul diri dalam ba pengawa nanam kulat tiram dikena meransang agi pejalai ekonomi ditu. Datuk Anthony Nogeh Ngumbek Sapit Menteri Pengawa Bumai enggau Industri Betanam Betupi