Dikena belajar enggau ngelala main asal sereta adat bansa bukai enggau semak agi
SRI AMAN: Komuniti pupu bansa di nengeri tu patut ngintu tetiap hari besai ti diintu semua serak komuniti nyadi siti pelasar belajar, ngelala main asal sereta adat bansa bukai semak agi.
Menteri Muda Pengelantang Komuniti Sarawak, Datuk Francis Harden Hollis madah awak ke bansa tu patut dikena memanah ngambika semua komuniti ti datai ngusung bala bakih ti ngintu hari besai nya belajar silik agi pasal pengerami sida.
“Ambika chunto, pengerami Taun Baru China, Hari Raya Aidilfitri, Gawai Dayak, Krismas, Deevapali enggau pengerami ke bukai di menua kitai tu bisi penyelai nya empu lalu semua serak komuniti pupu bansa bela ulih berami begulai nadai ngira bansa enggau jalai pengarap.
“Tu meh penyelai ke bendar komuniti Malaysia, suah dipeda kitai ba pengerami nerima pengabang, sida ti ngabang ukai semina komuniti ti ngintu pengerami nya aja, tang mega komuniti ari bansa bukai,” ku iya.
Iya ke mega Kaban Kunsil Nengeri ( ADUN) Simanggang mansutka jaku nya lebuh bejaku bejadika Pengerami Nerima Pengabang Taun Baru China enggau Pengawa Ngelancharka Pesta Cap Goh Mei Renggat Bagi Menua Sri Aman 2018 diatur Simanggang Soon Heng Society enggau kerejasama bala ketuai komuniti, ketuai bansa enggau Gerempung Bansa China Bagi Menua Sri Aman di laman Tokong Ciyun, Pasar Besai Sri Aman semak ditu.
Nitih ku iya, pengawa begusung rumah pangan diri bebida bansa patut ditampung laban pengawa ke bansa tu ulih nambahka penyerakup sereta bebasaka adat enggau main asal bansa bukai.
Sama bisi datai Sapit Menteri Dalam Menua ke lalu nyadi Kaban Parlimen (MP) Sri Aman, Datuk Masir Kujat, Residen Bagi Menua Sri Aman, Indit Bangai, Ketuai Kunsil Opis Pelilih Menua Sri Aman, Richard Tawan Sedu sereta bala kaban serakup ke bukai.
Berebak enggau pengerami nya mega, Harden bisi ngemendarka agih belanja penyampau RM25,000 ngagai Simanggang Soon Heng Society dikena ngatur Pesta Cap Goh Mei 2018 seraya RM5,000 diberi ngagai Simangang Soon
Ambika chunto, pengerami Taun Baru China, Hari Raya Aidilfitri, Gawai Dayak, Krismas, Deevapali enggau pengerami ke bukai di menua kitai tu bisi penyelai nya empu lalu semua serak komuniti pupu bansa bela ulih berami begulai nadai ngira bansa enggau jalai pengarap. Datuk Francis Harden Hollis Menteri Muda Pengelantang Komuniti Sarawak
Heng Society enggau RM 30,000 diberi ngagai Serakup Apai Indai enggau Pengajar (PIBG), Sekula Primari Bansa China (SJK) Chung Hua Simanggang.