Pengawa bejai pangan diri ba laman rama ngujungka pupu raban bansa enda seati enggau pangan diri

SONG: Sida ke diau di Kapit ditangkan ngambika enda ngena teknologi pemadah (IT) nyadung cherita ti ngujungka bejai pangan diri.

Sapit Menteri Pemansang Menua Pesisir enggau Kandang Menua (KKLW) Datuk Alexander Nanta Linggi madah, ulah baka nya ti digaga nengah laman rama tau bendar ngeruga pengelikun pupu raban bansa ba pelilih nya.

“Kena pemansang teknologi nya ngangkatka pengidup diri kelimpah nambahka penemu ba kitai empu,” pia ku iya madah.

Iya mantaika lalau nya maya bejadi Pengerami Taun Baru China ba Balai Mensia Mayuh Song ditu, empai lama.

Bela datai maya pengerami

Kena pemansang teknologi nya ngangkatka pengidup diri kelimpah nambahka penemu ba kitai empu. Datuk Alexander Nanta Linggi Sapit Menteri KKLW

tu iya nya Kaban Kunsil Nengeri Katibas Datuk Ambrose Belikau.

Nanta mega madah, pemansang menua tu bepanggai ba semua bansa nyengkaum bansa China. “Pengawa raban bansa China nyengkaum di Parlimen Kapit tu endang ditemu perintah.

“Ketegal nya Kepala Menteri suba Tok Nan madahka bansa China ukai orang datai ba nengeri tu,” ku iya madah baru.

Awak tu mega dikena Nanta meri jaku terima kasih ngagai bansa China ti besaup nyungkakka pemansang ba parlimen Kapit.

Ari nya iya madahka diri masa pengandal enggau sukung raban bansa China ti mengkang pechaya ke iya megai parlimen nya kenyau 19 taun ke udah.

Pengerami maya nya dirichahka enggau macham bengkah pemerindang panggau.