Laban kes bekaul enggau pekara nukar jalai pengarap nya bekaul enggau undang-undang Islam, ku Masing
KUCHING: Pemutus Kort Federal ti ngemendarka Kort Syariah nyerenih kes ‘murtad’ (ninggalka pengarap Islam) patut diperati ari sukut positif.
Sapit Kepala Menteri Tan Sri Datuk Amar James Masing madah kebuah pia, kes bekaul enggau pekara nukar jalai pengarap nya bekaul enggau undang-undang Islam.
“Kort Federal ngemendarka Kort Syariah nyerenih kes murtad patut dipeda ari sukut positif laban nya bekaul eng- gau undang-undang Islam. “Kort ti engkeman mutarka kes nitihka pematut nyadi siti chara pemadu manah,” ku iya nengah sebengkah penerang ditu, kemari.
Kena Hari Dua tu tadi, Kort Federal nulak kes apil empat iku orang ti deka minta diri diaku murtad ngambi dipending di Kort Sivil.
Pemutus sepenemu lima panel akim nya digaga pengudah mendingka pejurai kededua raban sebedau tu lalu madahka kes tu nitihka pematut dibai ngagai Kort Syariah.
Ku Masing nambah, iya ke mega Menteri Pemansang Infrastruktur enggau Perengka Pengangkut, atur ngakim kort ti engkeman beguna endar.
Ku iya, meri chunto baka petalat pasal isu bekaul enggau Hak Tanah Adat Bansa Asal (NCR) nitihka pematut diputar Kort Bumiputera.
“Kebuah pia, sida kort tu landik agi ba undang-undang enggau adat Dayak.
“Enti Kort Bumiputera nadai akim ke landik kitai patut ngiga akim ke landik. Kebuah pia, agi tubah kes ti bekaul enggau bansa asal,” ku iya.
Masing nyemetak madahka Kort Federal enda ulih mutarka kes NCR laban tebal agi akim ti mutarka tanah NCR nadai pengelandik ba undangundang Bansa Asal.
Kort Federal ngemendarka Kort Syariah nyerenih kes murtad patut dipeda ari sukut positif laban nya bekaul enggau undang-undang Islam. Tan Sri Datuk Amar James Masing Sapit Kepala Sarawak