Tiga penusah bebadi serentak ba Batu 8, Jalai Tunku Abdul Rahman
SIBU: Tiga penusah bebadi serentak nyadi ba Batu 8, Jalai Tunku Abdul Rahman urung pukul 6.20 pagi kemari dipelaba bepun ari sebuah kerita pikap (4WD) ke ensayar ngagai parit.
Taja pia, nadai bakal raya diripot bekaul ari penusah nya tang tiga deriba dipadahka bisi bakal mimit lalu semina diperubat pulai hari.
Dulu ari nya, sebuah kerita pikap dipelaba ensayar ngagai parit urung pukul 5.30 pagi lalu orang ke deriba nya udah dianjung ngagai sepital ngena ambulans.
Ba penyadi keterubah, deriba lori dalam rantau jalai nganjung barang ke Durin tepawah laban ke nguji nyeliah ari ari sebuah keruta ke ngetu ba tisi jalai.
Nitih penerang deriba kerita nya ngetu ba tisi jalai laban deka nemu sereta meresa kerita pikap ke udah labuh ngagai parit.
Taja pia, maya deriba lori nguji nyeliah ngagai lurung kiba ke kanan, sebuah teksi enggau sekeda entykar bukai ke datai ari belakang nyau ngelantak belakang lori ngujungka penusah bebadi berantai.
Sebuah agi kerita pikap ke datai ari belakang belubah-lubah meratika penyadi penusah nya ngujungka iya kena lantak kerita bukai ari belakang.
Udah nya, kerita ke nge- lantak nya kena lantak dua buah entukar ke mega datai ari belakang.
Bisi tujuh buah entukar bela kena tuntung penusah bebadi berantai pagi nya.
Penusah nya ngujungka jalai balat sekut diumba enggau gaya hari ke ujan.