Nengah kerejasama nya, kededua parti meseti nyukung pangan diri nentuka pemujur BN ba PRU14

KUCHING: Parti Sa’ati Rayat Sarawak (SUPP) enggau Parti Rakyat Bersatu (UPP) enda tau enda bekerejasama, meri sukung penuh ngagai pemenang Barisan Nasional (BN) maya Pangawa Bepilih Besai ke-14 (PRU14)tu ila.

“Tajapan dulu agi ari tu kitai dekaka kededua SUPP enggau UPP begempung dalam siti parti, tang ke pemadu berat iya nya gempung kerejasama ba tetiap pengawa maya napi pengawa bepilih,’ku Sapit Menteri Besai Datuk Seri Ahmad Zahid Hamidi.

Zahid mansutka jaku nya ba aum pengarang berita ti diatur di Indu Opis Polis Kontinjen Sarawak (IPK) ditu, kemari.

Iya madah, taja pia diatu SUPP enggau UPP udah bisi kerejasama chara formal enggau enda formal.

“Nengah kerejasama nya, kededua parti (SUPP enggau UPP) meseti nyukung pangan diri.

“Bekait enggau chalun ari kededua parti napi PRU14 tu ila, saut ungkup tanya nya bisi ba Kepala Menteri (Datuk Patinggi Abang Jo-

Tajapan dulu agi ari tu kitai dekaka kededua SUPP enggau UPP begempung dalam siti parti, tang ke pemadu berat iya nya gempung kerejasama ba tetiap pengawa maya napi pengawa bepilih. Datuk Seri Ahmad Zahid Hamidi Sapit Menteri Besai Malaysia

hari Tun Openg) ke nyadi Chairman Barisan Nasional (BN) Nengeri enggau presiden SUPP (ti mega mangku pengawa nyadi Menteri Opis Kandang Menua enggau Pengawa Berumah) Datuk Dr. Sim Kui Hian empu.

“Enti bisi chalun BN ari SUPP tauka UPP, semua nya ditentuka Chairman BN Nengeri,” ku iya ti mega nyadi Sapit Chairman BN Menua.

Zahid ti mega mangku pengawa nyadi Menteri Dalam Menua madah, ari semua 31 sitak parlimen di Sarawak, BN deka meri lebih fokus ba sekeda kandang parlimen.

Ku iya, enti kerejasama nya dikemujur sereta ditambah enggau peneleba parti politik ti udah nempuh Pengawa Bepilih Nengeri( PRN) ke udah, BN Sarawak deka nempa pemujur ke besai.

“Aku deka mantu sereta nentuka kitai bulih pemutus maksima, ke pemadu manah ba PRU14.

“Aku chukup pechaya Sarawak ulih nempa pemujur ke besai, diembing Abang Johari, Sarawak patut nyadika chunto ngagai nengeri bukai,’ku iya.

Ngenang kaul bukai, Zahid madah pekara bekait enggau Sempekat Malaysia 1963 ( MA 1963) deka dipasuk dalam Manisfesto BN lalu nyadi agenda besai ungkup Sarawak enggau Sabah maya PRU14 tu ila.

Aum pengarang berita nya bela digulu Abang Johari enggau Dr. Sim.