Sadia Kuching meransang Iban masuk nyadi kaban serakup

KUCHING: Serakup Dayak Iban Sarawak (Sadia) pampang Kuching meransang raban Iban ke diau ngelingi Kuching ngerijista diri dalam serakup nya

Chairman Datuk Paduka Dr. Anthony Nait madah pekara nya berat ngambika serakup ulih ngintu pemaik sida ke diau dalam kandang mengeri.

“Sadia nyadi serakup ke ngintu pemaik kitai Iban dalam kandang mengeri. Kitai nyendia program enggau tuju ngempung sereta ngerapitka kaul enggau pangan diri.

“Mayuh agi tubuh kitai dalam serakup, pinta enggau peneka ke bisi dikènatai kitai deka dipending lalu dikearap ulih diturut,” ku iya nengah surat penerang berita.

Iya nambah, kelimpah ari sida ke diau di Kuching, bansa Iban bukai ke diau ngelingi Samarahan, Bau enggau Serian mega diperansang ngeri- jista diri ba Sadia pampang Kuching.

Nitihka penerang Nait, serakup ti betuaika iya nya bela dipasuk sereta disukung raban tuai rumah ngelingi Mengeri Kuching.

Kelimpah ngintu pemaik raban serakup ku iya, Sadia mega ngatur program ke bekait enggau main asal Iban.

“Mandang sereta ngenan main asal kitai bansa entara sekeda juluk Sadia pampang Kuching.

“Kitai dekaka main asal Iban seruran dipandang lalu dipeda rayat enggau temuai ke bisi datai,”ku iya seraya madah main asal nya mih ke nyadi identiti bansa Iban.

Bedau lama tu tadi Sadia pampang Kuching bisi ngatur Aum Besai Ninting Taun(AGM) ke alai sida bisi milih raban komiti besai ungkup taun 2018 - 2019.

Ba AGM nya, Nait sekali agi dipilih nyadi chairman.