Raban nembiak meseti kreatif, pechaya ngagai tikas penemu diri dikena nempa modal mensia ti menyana di nengeri tu
KUCHING: Tuju kuing Sarawak jemah ila dijamin mujur enti nembiak rebak baru napi sistem pelajar ti meransang sida nyadi kreatif, Ku Kepala Menteri Datuk Patinggi Abang Johari Tun Openg.
“Baka ni tetiap nembiak sekula ti deka ditempa? Enti nembiak nadai ngembuan pengarap tauka pechaya ngagai diri, sida deka lemi. Enti sida lemi, menua tu mega deka lemi.
“Tang enti nembiak nya kreatif sereta sedia napi pemar, tuju kuing kitai jemah ila deka dijamin manah,’ku iya rambau bejadi Sarawak Invention, Innovation and Design Expo (SIIDEx) 2018 ditu, kemari.
Iya nambah, diatu jeman Revolusyen Industri 4.0 ti bepelasarka teknologi, lalu pematut Sarawak nelebaka diri enggau teknologi kelimpah ti ngaga mesin ngambika ulih ngintu pengeraja asal ke bisi dikembuan negeri tu.
“Bup penerang sentang
Baka ni tetiap nembiak sekula ti deka ditempa? Enti nembiak nadai ngembuan pengarap tauka pechaya ngagai diri, sida deka lemi. Enti sida lemi, menua tu mega deka lemi. Datuk Patinggi Abang Johari Tun Openg Kepala Menteri
chara nguna (Manuals) ditulis ba jaku English. Enti kitai enda landik ba English, kitai enda ulih macha ‘manual’ sentang chara nerebaika drone.
“Reti nya nembiak kitai meseti landik ba English. STEM iya nya pelajar Sains, Teknologi, Injiniring enggau Matematik mega bela dikemerat.
“Kitai meseti bisi polisi ke nyemetak ba pekara pelajar. Nya mih kebuah kitai numbuhka opis menteri pelajar. Ungkup timpuh panjai, pengerembai ekonomi kitai bepanggai ba pengelandik kitai ba teknologi,” ku iya.
Ngenang sentang SIIDEx 2018, iya madah ekspo nyadi pelasar endur nempa raban saintis kelimpah nempa inovasi sereta ngadaka teknologi.
Iya meri puji ngagai opis Menteri Pelajar, Sains enggau Pansik Teknologi ke udah ngatur SIIDEx 2018 ke alai nitihka jaku ketuai Akim, kualiti penyereta sama bela enggau kualiti penyereta renggat menua.
Penyampau 153 produk ngarika empat bengkah kategori bepekit ba SIIDEx 2018, lalu nya mungkur 49 produk ari sekula sekondari Kategori A, 25 produk Kategori B ari pelajar palan pelajar tinggi.
Ungkup Kategori C, 28 produk dipekit iya nya ari raban akedemik, pemansik engga pelajar post-graduet lalu 51 produk dipekit ba Kategori D ti fokus ba perengka inovatif enggau per- engka bantu ngajar.
SIIDEx 2018 ngempuru 677 iku penyereta ti ngarika 226 sekula, 124 pelajar universiti, 108 raban akedemik enggau pemansik universiti enggau 157 iku orang ke ngaga perengka bantu ngajar.
Penyereta ari SMK Sri Sadong, Simunjan nengah produk ke dikumbai ‘Battearth mobile energy kit’ dpilih nyadi pemenang Anugerah Kepala Menteri lalu tim nya nerima perais mata duit RM3,000 enggau perais bu- kai.
Bela datai Menteri Pelajar, Sains enggau Pansik Teknologi Dato Sri Michael Manyin Jawong, Sekretari Perintah Nengeri Tan Sri Datuk Amar Morshidi Abdul Ghani enggau orang bukai.