Industri minyak enggau gis Sarawak keterubah dipunka kena 22 Disember 1910 di Miri

KUCHING: Sejarah pejalai Sarawak dalam industri minyak enggau gis (O&G) bepun enggau operasyen telaga minyak keterubah ti dikelala enggau nama ‘Old Lady’ di Miri kena 22 Disember 1910.

Kilang napis keterubah di Sarawak digaga Shell di Tanjung Lobang, Miri, lalu udah nya pindah ngagai Lutong, Miri.

Dalam taun 1920, Rajah ngeluarka pekara ti dikumbai ‘Perintah Konsesi Shell’, ti netapka kandang menua di Miri endur nyerungkai enggau ngelumbung minyak ari Sarawak Oilfields Limited, ti diempu Shell.

Ba taun 1930- an, Belanda enggau British udah berengkah nyerungkai luar kandang tasik minyak Baram.

Ba taun 1952, perintah ti megai Sarawak ngeluar suwa minyak baka surat sempekat ngagai Medan Minyak Sarawak, meri kompeni nadai ditatak, hak enggau pengelebih nyerungkai enggau ngatur pengawa ba semua petroleum ti bisi dalam tauka dibaruh tauka di semua kandang menua ti ari baruh pegai Sarawak, nyengkaum tanah ari baruh semua kandang tebing tasik kandang menua.

Dalam taun 1954, Queenin- Council ngemendarka Perintah Sarawak ( Ubah Garis Entara Menua) dikena ngemesaika garis entara menua Sarawak ngambi tama ngagai dalam tasik enggau tanah dibaruh iya ti didalam tasik ke besepiak enggau kandang tasik kandang menua Sarawak.

Ba aun 1958, Majlis Negeri udah nya (Aum Kunsil Nengeri) ngemendarka Ordinan Ngelumbung Minyak dikena nyediaka agih manah agi dalam undang-undang bekaul pengawa ngulihka minyak di Sarawak enggau pelantar benua iya.

Ba taun 1960, pengawa nyerungkai ngerembai ari darat ngagai luar kandang tebing tasik, ke alai Orient Explorer nyadi pelantar ngebur mindah kin kitu ti keterubah dikena.

Dalam taun 1963, medan Baram nyadi medan luar tebing tasik keterubah, lalu kena taun 1965, Miri nyadi pasar keterubah nguna sistem paip gis.

Ba taun 1968, West Lutong ngeluarka minyak luar esisit keterubah endar.

Malaysia LNG Sdn Bhd diangkat nyadi kompeni peribit dalam taun 1978, enggau kargo eksport keterubah dianjung dalam bulan Januari 1983.

Dalam taun 1979, Terminal Minyak Mata Bintulu nyadi batang projek industri keterubah mungkal pengawa di Tanjung Kidurong, lalu taun nangkanka nya, ASEAN Bintulu Fertiliser ditumbuh sereta berengkah beoperasyen dalam taun 1985.

Ba taun 1986, Shell Middle Distillate Synthesis, loji gis ngagai lela keterubah dunya diangkat nyadi kompeni peribit lalu berengkah beoperasyen dalam taun 1993.

Dalam taun 2016, perengkaguna keterubah LNG melepung di dunya ari Petronas ngemansutka gis keterubah, lalu ba taun 2017, Petroleum Sarawak Bhd (Petros) diempu perintah nengeri diangkat nyadi kompeni peribit. — Bernama