Rayat dipinta anang jampat mendingka petenah bejaika perintah kelebih agi bekaul isu nyukat tanah NCR di nengeri tu

SIBU: Menteri di Opis Menteri Besai, Datuk Joseph Entulu Belaun ngelalau rayat ngambi enda mudah mendingka jaku petenah bejaika perintah kelebih agi bekaul enggau isu nyukat tanah hak Adat Bansa Asal (NCR) di nengeri tu. Ku iya, perintah seruran bebendar gawa mantu rayat ngaku tanah NCR sida nengah pejalai program nyukut kelingi tanah NCR di baruh inisiatif baru ti seruran dipejalai.

“Perintah nengah pengawa gazet nya udah ngaku tanah nya diempu rayat enggau eksklusif lalu ari surat pala tanah udah nentuka tanah nya endang bisi orang ngempu.

“Nya kebuah, aku minta kelebih agi peranak di sitak Parlimen Selangau meri sukung enggau kerejasama sida ba pemanah pengawa perintah.

“Anang jampat mendingka semua jaku petenah bejaika perintah nyengkaum ba pejalai kereja nyukut kelingi tanah NCR,” ku iya nerang.

Entulu mansutka jaku nya lebuh bejadika Program Transformasi Kepimpinan Akar Umbi renggat Parlimen Selangau di Rumah Joseph Serang Inang, Skim Sekuau ditu, apin lama ke udah.

Kaban Parlimen (MP) Selan- gau nya mega minta chairman Komiti Pemansang Enggau Pengelikun Genturung Pendiau (JKKK) meri kerejasama dikena ngemuntangka agi pengawa ngagihka belanja.

“Kebuah pia laban bisi sekeda chairman JKKK apin nganjung lumur akaun JKKK rumah panjai lalu sida dipinta nganjung enggau jampat sebedau ujung bulan March tu,” ku iya.

Berebak enggau program nya, Entulu bisi nyuaka geran Projek Mit Pemansang Menua Pesisir (MRP) enggau Bantu Jali Berumah (sida ti tasah angus rumah panjai diberi pemerat) ngagai bala penerima ari sitak menua nya enggau penyampau agih be- lanja manggai RM3,846,000 semua nya.

Bini iya, Datin Jacklyne Anthony mega bisi nyuaka Bantu Biasiswa Bakti ngagai enam iku nembiak sekula sekondari ti bulih pemutus nyulut enggau bantu kantung sekula ngagai 196 iku nembiak Primari Enam ti dipilih ari sitak pelilih Selangau.

Sama bisi datai Sekretari Politik Menteri di Opis Menteri Besai Adriana Chumang Nyambong, Penghulu Balai Gara, Penghulu Jerome Juranpang, Penghulu Sylveseter Sallang, Penghulu Intu Santap, ex-Penghulu Michael Jelani, kaunsilor Dali Merawing sereta 167 tuai rumah ari sitak parlimen Selangau.

Perintah nengah pengawa gazet nya udah ngaku tanah nya diempu rayat enggau eksklusif lalu ari surat pala tanah udah nentuka tanah nya endang bisi orang ngempu. Datuk Joseph Entulu Belaun Menteri di Opis Menteri Besai

NAMA RITA: Entulu enggau bini iya, Datin Jacklyne betabi jari lalu nanyaka berita peranak ke bisi datai di Rumah Joseph Serang.

JAKU LALAU: Mensia mayuh nedat semua sukut ruai Rumah Joseph Serang Inang mendingka jaku lalau dipansutka Entulu.

BARU BISI SURAT PENGADA:Lampung Padan (dua kanan) nerima surat pengada iya ari Jazni disempulang Liwan (kiba) rambau program outreach NRD di Uma Baha, Sang Anau, Long Bulan, Belaga apin lama ke udah.