Undang-undang nya semina ulih diterit di Sarawak, enti bisi pemendar ari Dewan Undangan Nengeri
KUCHING: Kepala Menteri Datuk Patinggi Abang Johari Tun Openg madah Akta Pemansang Petroleum1974 (PDA) enggau Akta Garis Entara Tasik 2012 (TSA) enda ulih diteritka di Sarawak.
Bejaku ngagai pengarang berita pengudah bejadi Licha Pemansang Jalai Tebing Tasik di Kuching kemari, iya madahka kededua nya undang-undang diteritka ba Perintah Besai.
Ku iya, enti undang-undang Perintah Besai nya deka diterit di Sarawak, meseti bisi pemendar ari Dewan Undangan Nengeri (DUN).
Tajapia ku iya nambah, DUN enda meri pemendar ngagai kededua undangundang PDA enggau TSA, ketegal nya enda ulih diterit tauka nganti undang-undang nengeri.
“Diatu pendingka jaku
Diatu pendingka jaku aku, sebarang undang-undang ke ngelanggar konstitusyen nengah Genteran 4 Konstitusyen Perintah Besai deka dikira enda sah. Datuk Patinggi Abang Johari Tun Openg Kepala Menteri Sarawak
aku, sebarang undang - undang ke ngelanggar konstitusyen nengah Genteran 4 Konstitusyen Perintah Besai deka dikira enda sah,” ku iya.
Abang Johari nyaut tanya pengarang berita sekalika Sarawak deka nguasa pengawa ngemansang pengeraja asal petroleum tajapan PDA enggau TSA mengkang diterit.
Ditanya sekailka Sarawak deka ngubah PDA enggau TDA, iya nyaut ‘Nuan nanya Perintah Besai,’.
Lebuh bejadi Petros bedau lama tu tadi, Abang Johari nerangka Sarawak diatu deka ngena hak enggau undangundang nengeri.
Reti nya, semua kompeni ti bisi kaul ba industri minyak enggau gis di Sarawak patut bisi lisin, permit, suwa enggau pemendar diguna nengah Ordinan Ngelumbung Sarawak tauka Ordinan Nyadung Gis. KUCHING: Kepala Menteri Datuk Patinggi Abang Johari Tun Openg netapka teknologi baru disadang dikena ba pengawa ngaga jalai ba tanah paya.
Ku iya, teknologi nyampur semin ngena ijin biologikel ti ulih ngeringka jalai lalu nyeliah jalai ke digaga beralun.
“Pansik sentang atur nguna jalai tu di Sarawak benung dipejalai orang ke landik ari Universiti Curtin diatu.
“Aku nanya sida (Curtin), enti positif, aku pechaya positif lalu teknologi nya deka dikena ngaga jalai tebing tasik,’ku Abang Johari.
Iya mansutka jaku nya ba aum pengarang berita pengudah bejadi Licha Pemansang Jalai Tebing Tasik Sarawak di sebuah hotel ditu, kemari.
Aum pengarang berita nya bela digulu Sapit Kepala Menteri ke mega Menteri Pemansang Infrastruktur enggau Perengka Pengangkut Tan Sri Dr. James Masing.
Abang Johari nambah, teknologi nya chukup engkeman dikena ngaga jalai tebing tasik laban tebal agi tanah ba kandang endur nya bepaya.
Ba penemuai ke Simunjan nepan mutosikal bedau lama tu tadi, Abang Johari ngasaika jalai ( tebing tasik) balat beralun ke alai iya pechaya pekara nya ulih diputar nguna teknologi baru ke benung dipansik.
Ngenang sentang projek jalai tebing tasik iya nya ari Sematan di Lundu nyentuk ke Miri, iya madahka projek nyadi siti agi projek pemansang ke diperatika perintah enggau berat.
“Projek tu disadang begunaka timpuh 10 taun iya nya dalam dua timpuh Atur Pemansang Malaysia(RMK).
‘ Tembu jemah, jalai tu deka ngerembaika ekonomi peranak ke diau ngelingi lalu mai pemaik ngagai sida,’ku iya.
Ba jaku bejadi licha dulu agi ari nya, Abang Johari madahka belanja ke diguna ungkup projek jalai tebing deka nguna model dagang (Sarawak) ke baru.
Ku iya, atur belanja projek ke mungkur pengawa ngaga 11 jematan nya deka dipatau nengah Bank Pemansang Sarawak(DBOS).
“Ungkus dikena ngaga projek tu sigi besai. Tang enti diperunding enggau silik, jalai tu jemah ila deka mai penguntung ngagai rayat ngelui ari belanja ke dikeluar,” ku iya.
Bela datai Menteri Muda Pemansang Jalai Tebing Tasik Datuk Julaihi Narawi, Menteri Muda Pengangkut Datuk Dr. Jerip Susil enggau orang bukai.