LPNM nyadi ejensi pemungkal pemansang industri nanas ransing ngelakuka nanas ba nengeri tu
MUKAH: Peranak menua tu dilalau anang tepapa nyual tanah diri ketegal deka ngulihka penguntung ti sekejap aja.
Kaban Kunsil Nengeri (ADUN) Daro Syafiee Ahmad madah, sida patut ngemansangka tanah nya nengah chara intensif seriris enggau pemisi jalai tebing pantai ke deka dikemansang menyana agi.
“Anang tepapa enggau enggau penguntung ke enda panjai nengah pengawa nyual tanah, berunding panjai baka ni deka ngemansang tanah enti udah bisi jalai tebing pantai ila,” ku iya madah ngagai Utusan Borneo, kemari.
Iya madah munyi nya lebih dirandau bekaul enggau isi enggau timbal ari Seminar Pemansang Jalai Tebing Pandai ke diatur kena 8 March tu tadi.
Syafiee madah, seminar nya mega endang nyadi siti pelasar dikena madahka pemansang ke baru dipejalaika perintah dikenang ngemansangka sitak menua pesisir nyengkaum jalai raya enggau jematan.
“Ukai nya aja laban tu mungkur pemansang sosioekonomi sereta inisiatif pemansang ke deka dipejalaika perintah dalam bejalaika Koridor Kuasa Ulih Dikena Baru Sarawak (SCORE),” ku iya.
Kebuah pia laban peranak Daro mega deka ngambi bagi sereta tu mandangka perintah seruran ransing ngatur pemansang ngambika sebaka sekalika ba menua pesisir enggau tebing pantai.
Sebaka enggau pengawa ngaga Jalai Besai Pan Borneo, jalai besai tebing pantai mega deka meri pangka lebih agi ari sukut ‘connectivity’.
“Kitai patut nemu nengah pemujur pengawa dua jematan nukar servis feri tu ila iya nya Jematan Batang Paloh enggau Batang Lassa deka nyungkak tikas soisioekonomi semua peranak menua ke besemak,” ujar ku Shafiee.
Daro endang sebengkah ari sitak tebing pantai kelimpah ari Balingian, Mukah, Igan sereta Matu ke bepalan ba Bagi Menua Mukah. BAU: Sarawak ngembuan penau besai nyadi pengeluar nanas ungkup menua tu, nya alai Kaunsil Industri Nanas Malaysia (LPNM) ke nyadi ejensi pemungkal pemansang industri nanas chukup ransing ngelakuka utai tanam tu ba di nengeri tu.
Sapit Menteri Betanam Betupi enggau Industri Pengawa Bumai Datuk Anthony Nogeh Gumbek madah LPNM ke berengkah dipejalai ba nengeri Sarawak taun 2010 udah mujur mantu urung 600 penanam nanas di serata nengeri nyentuk ujung taun 2017 enggau penyampau utai tanam 800 hektar.
Kenu ku Nogeh, perintah udah ngelala nanas nyadi sebengkah penatai pemisi ke baru laban enti dikemansang enggau ransing iya deka meri penguntung ke besai sereta ngemantup ati.
“Nanas endang bansa utai tanam ke chukup manah dikemansang nyadi pun penatai pemisi ke mayuh,” ku iya rambau pengerami nyuaka skim bantu nanam nanas LPNM ba Kampung Stenggang ditu malam, ensana.
Urung 10 pesereta nerima bantu nya lalu sida bela nerima RM5,500 siku nyengkaum bantu benih, rachun, baja enggau hormon.
Nogeh madah ungkup taun 2018 LPNM nyelinting deka nambahka baru urung 80 hektar di Sarawak.
Kelimpah nanam nanas Moris (Sarikei) enggau nanas N36 ke ngembuan peminta tinggi, LPNM benung ransing ngelakuka pengawa nanam nanas premium MD2 ke tuju eksport laban iya endang nerima peminta ke tinggi ba makit dunya nyengkaum ba China.
Ku iya, projek perintis nanam nanas premium MD2 ke ngembuan pemesai lapan hektar udah dikemansang ba Kampung Padang Pan, Bau lalu deka dikeremansang ngagai sitak bukai entu udah meri asil ke chukup jemah.
“Nengah penau ke mayuh, Sarawak dipeda nyadi palan endur mantu rayat. Enggau pemisi diatu arapka ulih nyungkak pengerembai industri nanas menua sereta peluang ke patut direbu rayat di nengeri yu.
Berebak enggau nya, Nogeh ke mega Kaban Parlimen Mas Gading bisi ngenataika bantu belanja penyampau lebih 100 ibu tunggal enggau kurang benasit.