Tang enti ulih nguasa tiga bansa jaku nya manah agi ngambika kitai mudah ngelakuka produk ngagai serata dunya
SERIAN: Kepala Menteri Datuk Patinggi Abang Johari Tun Openg pechaya Sarawak deka mujur ba pekara ekonomi jemah ila enti peranak nengeri tu landik ba dua bansa jaku iya nya Jaku Melayu enggau English.
Iya mega pechaya, produk ari nengeri tu (ambika chunto pen) ulih dijual ngagai 1.38 bilion peranak menua China enti kitai landik ba Jaku Mandarin.
“Enti kitai ulih nguasa dua bengkah jaku iya nya Jaku Melayu ke nyadi jaku menua enggau English ke nyadi jaku entarabansa,kuing nengeri tu jemah ila manah.
“Tang enti kitai landik ba tiga bansa jaku, ambika chunto Mandarin, kitai ulih nyual pen ngagai 1.38 bilion peranak menua China. Enti enda( landik ba Mandarin), engka enda
Enti kitai ulih nguasa dua bengkah jaku iya nya Jaku Melayu ke nyadi jaku menua enggau English ke nyadi jaku entarabansa,kuing nengeri tu jemah ila manah. Datuk Patinggi Abang Johari Tun Openg Kepala Menteri Sarawak
ulih,’ku iya.
Abang Johari mansutka jaku nya rambau bejadi ‘Serian English Language Proficiency Initiatives’ ke diatur di Balai ‘Tayung Langui’ di Kpg Pichin, Serian ditu kemari.
Ku iya nambah, maya diatu bebida enggau ke dulu suba ke alai produk ulih dikelaku ke serata dunya.
“Pekara nya pia ketegal diatu udah bisi atur penyambung ungkup kitai ngadu komunikasyen di serata dunya.
“Berindik enggau nya ki- tai meseti bekomunikasyen ngena jaku ke ditemu orang di serata dunya. Pemeli enggau orang nyual meseti meretika jaku pangan diri.
“Ketegal nya(sekalika nuan rindu tauka enda), English udah nyadi bahasa antarabansa-lingua franca,’ku Abang Johari.
Maya kitai ngelanchar ekonomi digital suba tambah Abang Johari, polisi nya meseti dipejalai segulai enggau Jaku English lalu English sebengkah jaku ke universal.
Kitai nerima Jaku Melayu nyadi jaku menua tang English mega nyadi bengkah jaku ke dikemerat, tandu iya.
Bela datai bini Abang Johari Datin Patinggi Datuk Juma’ani Tuanku Bujang, Menteri Pelajar, Sains enggau Pansik Teknologi(MESTR) Dato Sri Michael Manyin, Sapit Menteri Pelajar Dr. Annuar Rapaee, Sekretari Mendam MESTR Datu Sudarsono Osman enggau orang bukai.