Semua tu bepanggai ba Kepala Menteri Datuk Patinggi Abang Johari Tun Openg ti mega nyadi Presiden PBB sereta chairman BN menua
KUCHING: Nasit politik Tan Sri William Mawan Ikom diatu bepanggai ba Parti Pesaka Bumiputera Bersatu (PBB) enggau Barisan Nasional (BN).
Pengalisis politik Datuk Peter Minos madah pekara nya terang endar udah dipadah Mawan pengudah netapka iya empu udah masuk PBB ari tan 2016.
“William Mawan udah netapka iya kaban PBB. Reti nya bepanggai ba PBB netapka nasit politik iya. Tu udah terang endar.
“Kitai semina nganti utai ke deka nyadi ba kerusi Parlimen Saratok...Semua tu bepanggai ba Kepala Menteri Datuk Patinggi Abang Johari Tun Openg ti mega nyadi Presiden PBB sereta chairman BN menua,” ku iya.
Iya nandu baru madahka semua orang nemu Parti Demokratik Progresif (PDP) deka ngetanka kerusi ke endang ungkup engi PDP tang pemutus ke penudi iya endar, iya nya Kepala Menteri enggau Menteri Besai, Datuk Seri
William Mawan udah netapka iya kaban PBB. Reti nya bepanggai ba PBB netapka nasit politik iya. Tu udah terang endar. Datuk Peter Minos Penganalisis politik
Najib Tun Razak.
“Dikarapka udah pemutus nya digaga ulih kededua piak pemesai BN, semua piak patut bebasaka pemutus nya lalu nyukung BN.
“Kepala Menteri (Abang Johari) madahka pengamat politik nya berat lalu iya empu udah ngaga pekara ke betul, lalu ngemunaska sebarang pekara ke enda terang,” ku iya.
Minos ti mega nyadi kaban veteran PBB madah BN meseti bediri tegap sereta beserakup nyadi seraban ukai dua, ku iya.
Pekara tu ku iya laban Pengawa Bepilih Besai ke14 (PRU14) deka beratika pengawa betangkup ke be- semekih enggau pangan diri, lalu bisi sekeda madahka naka kediatu, tu pengawa bepilih besai ke berat di Malaysia.
“Pemisi mayuh macham bengkah penanggul ke dibantaika baka kediatu, sigi nadai alai ke sebarang penanggul bukai ke tau ngeruga ati, sereta penyarut dalam BN,” ku iya.
Bekait enggau nadai chalun terus BN maya PRU Ke-14 tu ila, Minos madahka Parti Sa’ati Rayat Sarawak (SUPP) enggau Parti Rakyat Bersatu (UPP) patut begempung lalu nyaup pangan diri.
Nyema pekara tu nyadi ku iya, iya deka nyadi berita ke manah endar ke BN Sarawak.
Iya nandu baru madahka enti kededua parti begempung baru, reti nya nadai agi penanggul ke nagang chalun baik nya ari UPP tauka SUPP. “Lalu ngarapka gempung tu nyadi lalu ngambika penyarut ke udah nyadi sebedau tu nyadi teladan.
“Perundingka pemerat beserakup ke pemerat BN sereta pemaik ke Sarawak.... Nyadi chalun terus ukai agi penanggul,” ku iya.