Hari Nerima Penatai Mensia Mayuh PI1M Jakar pelasar bekunsika penemu
SARIKEI: Hari Nerima Penatai Mensia Mayuh Palan Internet 1Malaysia (PI1M) Jakar diatur ninting taun diaku nyadi pelasar pemadu manah dikena meri penerang, penemu teknologi pemadah enggau arus penyambung (ICT) ngagai rayat kelebih agi sida di kandang menua pesisir.
Chairman PI1M Jakar, Tuai Rumah Setia Ungok madah, tetiap taun, sida deka nempa Hari Nerima Mensia Mayuh PI1M nyadi pelasar endur ngenataika penerang ngagai peranak menua pesisir pasal aplikasyen tauka produk ICT pemadu baru.
Seriris enggau pemansang ekonomi digital endang diperansang perintah ngambika kitai ngaul diri, PI1M Jakar udah ngatur mayuh bengkah workshop dikena nyika peranak menua pesi- sir ngagai aplikasyen ICT ti bekaul, ku iya, seraya nambah, taun tu, pulaika penguntung raban pedagang menua tu enggau pedagang baru, sida udah ngatur woksyop baka Multimedia ICT pemun, ‘movie maker’; ‘tutorial photo shoot’ enggau ‘ video production’; ‘uploading of products’ ba ‘Youtube’, ‘Facebook’ enggau ‘MyShop’.
Kelimpah ari nya, sida mega muka kaunter dikena ngelakuka ICT, rejista kaban baru, servis mindah kin kitu I-health enggau e-waste, ku iya rambau pengawa bejadika Hari Nerima Penatai Mensia Mayuh PI1M Jakar apin lama ke udah.
Ejensi ke bisi dikangau nyereta program baka MARA enggau AIM, nirika bangsal ungkup pelanggan sida dikena ngelakuka produk sida, ku iya.
Antara bala temuai dipebasa bisi dikangau iya nya Sekretari Politik Kepala Menteri Teng Ung Woo, pengari Kaban Kunsil Nengeri ( ADUN) Repok, bala pengari ari Opis Telekom Malaysia di menua nya, Aziadi Hanifah, Tuai Rumah Anthony Sudin, Penghulu Kasa Tuba, Penghulu Bidi Gisang sereta bala ketuai komuniti ke bukai.