Belanja ti enda diatur enggau memanah deka ngujungka pengerugi sereta tau ngasuh tikas pengidup enda tegap: Rentap
BETONG: Kaban Kunsil Nengeri ( ADUN) Layar, Gerald Rentap Jabu ngelalau rayat besimpanka duit dikena nyediaka diri ungkup pengelantang enggau nyamin pengidup dudi hari.
Ku iya, ulah rua enggau belanja deka ngerugi diri empu sereta tau ngasuh tikas idup enda tegap.
“Ngemeranka ulah enda ngatur belanja enggau manah tau mai pengerugi ngagai tetiap komuniti lalu tau ngasuh rua ba belanja,” ku iya.
Iya mansutka jaku nya lebuh bejadika Pengawa Nyuaka Baucha Bantu Rakyat 1 Malaysia (BR1M) 2018 Pelilih Betong Bagi sitak N.36 Layar ti diatur di Balai Layar, Opis Pelilih Betong, semak ditu, kemari.
Ku iya nambah, duit BR1M ti diterima sida patut dikena memanah lalu beringat bes-
Ngemeranka ulah enda ngatur belanja enggau manah tau mai pengerugi ngagai tetiap komuniti lalu tau ngasuh rua ba belanja. Gerald Rentap Jabu ADUN Layar
impanka belanja.
“Perintah udah meri bantu rayat ti patut nyadika inisiatif mantu ngelempungka tating penusah rayat ari numbuhka BR1M.
“Tang rayat patut pintar ngatur bantu ti diberi enggau peminta ti ngemai pemaik ngagai diri empu enggau ruang bilik,” ku iya.
Pia mega ku Rentap, bala ketuai perintah nyata endar mantu rayat ba pengidup kelimpah ngemai rayat berundingka kuing pengidup sida dudi hari ngambika tejamin agi.
“Perintah mega nyediaka bemacham program pulaika pemaik rayat enggau perengka guna ti meruan ungkup guna begulai,” ku iya nerang.
“Berebak enggau nya, nempa industri betanam betupi dikena ngerichahka agi pengawa betanam betupi moden sereta meransang rayat ngaul diri berimbaka tanah sida.
“Opis Betanam digerah mantu ngena semua penemu ti tau dikena mantu rayat sereta ngenataika perengka guna ari perintah.
“Nya alai, sukung rayat be- guna endar nentuka pengawa tu mujur,” ku iya.
Sama bisi datai Pemesai Pelilih Betong Sofhi Jebal, pengari Residen, Florance Mulan, Temenggong Nu- nong Dandan, bala ketuai opis enggau ketuai komuniti ke bukai.