Penyakal kala mansutka penerang ngumbai sekeda sekula primari di menua Tutoh enda dikeibuh
MIRI: Sapit Speaker Kunsil Nengeri (DUN) Dato Gerawat Gala ti mega nyadi Kaban Kunsil Nengeri ( ADUN) Mulu ningkah jaku PKR Baram ke madahka sekeda sekula primari di Tutoh enda dikibuhka.
Dalam surat berita 20 March tu tadi, Dennis Along ari PKR madahka SK Temenggong Baya Malang di Long Terawan, Tutoh, dalam berapa taun tu ke udah, enda dikeibuhka, blok sekula enda dijaga.
Dennis dalam dawa iya besaksika gambar sekula nya, tangga, siling rumah sekula sereta tempara alai tangki ai udah lama jai.
Ku Gerawat, penerang ari Dennis nya enda betul laban gambar ke dipandang Dennis nya, sebuah kelas ke udah lama lalu patut dirubuhka, berindik ari blok kelas ke baru udah digaga dalam taun 2012.
Ku iya, Pegawai Opis Pelajar Pelilih Menua Marudi bisi udah minta PIBG ngererak kelas lama ba ringkat baruh baka ke dipadah Dennis Along dalam ripot iya laban kelas nya enda ulih dikena agi lalu nambah enggau nya, ringkat baruh sekula nya kala kena ampuh bah.
Taja pia, PIBG udah ngerubuh sebagi ari ringkat baruh nya, lalu semina ninggalka sebuah bilik aja kena RMT.
“Jaku kaban PKR (Baram) nya enda betul sereta nyelipi laban iya semina betatika kelas ba ringkat baruh rumah sekula nya aja, ke enda dikena agi, laban udah diganti enggau kelas baru ti digaga dalam taun 2012 ulih Opis Pelajar enggau ungkus RM75,000.00,” ku iya.
Blok kelas baru nya bisi enam buah kelas ke ulih nguan urung 18 iku nembiak sekula, lalu Opis Pelajar sitak Marudi udah minta PIBG ngerubuhka kelas lama ba ringkat baruh laban sebedau tu, iya kala kena ampuh bah.
“Taja pia, PIBG semina ngererak sebagi ari kelas ba ringkat baruh aja, lalu semina ninggalka sebuah bilik alai RMT (program bekal pemakai),” ku iya.
Gerawat nandu baru madahka kelimpah ari blok rumah sekula baru nya, Opis Pelajar mega udah miki sereta ngemanahka agi kuarters pengajar nyengkaum ngaga tali karan baru ke ditukar dalam taun 2015 enggau ungkus miki tali karan nya dalam RM10,000.00, ku iya.
Taun siti nyin tadi ku iya, tali karan ba blok akademik mega udah digaga baru enggau ungkus RM35,000, lalu laluh RM30,000 diungkup ulih Opis Pelajar ke meli perengka guna miki blok akademik sereta kuarters pengajar, ke digaga chara ‘begotong royong’ ulih PIBG.
Ba senentang tangki ai sekula, Opis Pelajar benung ngambi sebut rega kena ngaga tangki ai konkrit kena nganti langkar kayu baka ke dikena diatu.
Gerawat nandu baru ma- dahka Perintah Menua nemu penanggul ke ditapi ulih sekeda sekula di menua tu, alai bisi sekeda sekula nya, udah lama tauka patut dibiki, lalu tu ke nyadi pemerat Perintah Menua enggau Besai ngungkupka RM1 billion ngaga tauka ngemanahka agi sekula lama tu.
“Ngemanah, miki tauka ngaga baru nyangka deka ngambi timpuh ke panjai mimit laban mayuh sekula bukai ke patut dibiki tauka digaga baru, ke sama nganti idar,” ku iya.
Taja pia, iya nyamin kededua Perintah Menua enggau
Jaku kaban PKR (Baram) nya enda betul sereta nyelipi laban iya semina betatika kelas ba ringkat baruh rumah sekula nya aja, ke enda dikena agi, laban udah diganti enggau kelas baru ti digaga dalam taun 2012 nengah Opis Pelajar enggau ungkus RM75,000.00. Dato Gerawat Gala Sapit Speaker DUN Sarawak
Besai deka majakka pengawa sida iya miki, ngemanah sereta ngaga sekula baru di menua pesisir ngambika nembiak sekula pan bisi pengelantang lebuh sida iya belajar nyengkaum teulihka pemutus peresa ke manah.