Dua stadium ungkup komuniti di Belaga, Kapit udah dikemendar
KUCHING: Sarawak ngarap bisi undang-undang ke tau dikena matau penyalah nginsap gam sereta beambika ubat batuk enggau pil nospan nengah chara ke salah.
Menteri Dagang Temuai, Seni, Main Asal, Nembiak enggau Lumba Datuk Abdul Karim Rahman Hamzah madah polis enda ulih nangkap orang ke besalah guna ketetiga barang nya ketegal nadai undang- undang ke engkeman.
“Nginsap gam, ubat batuk enggau pill nospan tau ngasuh bala nembiak nguji sekeda pekara bukai baka ke dadah,”ku iya.
Karim mansutka jaku nya ba pengarang berita pengudah ngulu aum ‘Persatuan Mencegah Dadah Malaysia ( Pemadam)’ pampang Sarawak di sebengkah hotel ditu, kemari.
Iya nambah undang-undang dikena matau penusah nya enda ulih dituku ba aum Dewan Undangan Nengeri (DUN).
“Semina parlimen aja ulih ngaga undang-undang matau salah guna barang ( gam, ubat batuk enggau nospan) tu.
“Engka sida ba parlimen enda kiruhka penusah tu ketegal ungkup sida, penusah tu mit enti dibandingka enggau penusah bukai.
“Tang ungkup kitai (Sarawak), kitai deka majak minta undang- undang tu digaga ngambi ulih ngintu atur nyual ketetiga barang tu,’ku Karim.
Ngenang kaul bukai, Karim madah Sarawak deka nyadi ‘Tuan Rumah’ Aum Besai Ninting Taun (AGM) Persatuan Mencegah Dadah Malaysia ( Pemadam) renggat menua berengkah 31 Julai nyentuk ngagai 1 Ogos 2018.
Ku iya, urung 2,000 deligit ari serata menua deka datai ngulu aum ke diatur di Kuching nya.
“Aum nyadi platfom endur bala deligit bekunsi penemu enggau peneleba sentang chara mutarka penusah dadah di nengeri diri.
‘ Ungkup Sarawak, aum nyadi seiti pelasar ke manah lalu deka mulaika pemaik ngagai kitai ditu,’ku iya.
Karim nambah, pinta Sarawak ngambika bisi undang-undang dikena matau salah guna gam, ubat batuk enggau nospan mega deka dibai ba AGM nya.
Ku iya, pinta Sarawak nya kala dibai ba aum ke sama ke diatur di Langkawi, Kedah ba taun ke udah. BINTULU: Perintah udah ngemendarka dua buah stadium Komplek Lumba enggau Main Komuniti digaga di sitak Belaga enggau Kapit.
Kaban Parlimen ( MP) P.126 Hulu Rejang, Datuk Wilson Ugak madah, dikarapka pemain lumba enggau main di kededua sitak nya ukai semina nyadi champion di genturung pendiau aja tang deka ngangkatka nama sida iya empu di luar sitak nya.
“Kami ke nyadi ketuai diatu merambu gaya dudi hari bala nembiak rebak baru baka kediatu. Kami udah merambu perengka guna kena bala nembiak baka Stadium Lumba enggau Main Komuniti.
“Anang mendingka jaku orang ke enda menuku kelebih agi maya Pengawa Bepilih Besai tu. Orang luar semina landik naburka jaku ke enda manah.
“Bejimat lebuh ngena perengka guna media rama baka ‘Facebook’ (FB) sereta blog bukai, laban ba aum parlimen tu ila, pekara bekait enggau atur undang-undang deka dipejuraika ba pengguna media rama ke kelalu udu begagaka cherita tauka berita ke enda menuku.
Perengka guna komunikasi ke pemaik ukai kena kitai bejaika orang. Nya alai, anang ngaga pengawa ke enda menuku, ke tau diambi atur undang-undang.
Enti deka mantah pan, awakka nengah chara ke manah,” ku Ugak.
Iya madah munyi nya lebuh mungkal Pekit Bemain Futsal Piala Hulu Rejang 2018 di Gelanggang Futsal sitak Belaga bedau lama tu ke udah.
Ba atur pengawa nya, urung 28 tim ari serata sitak Belaga, Sg.Asap/Koyan bisi enggau ngulu pekit nya.
Entara perais ti bisi disedia, iya nya champian nerima wang RM600, trofi enggau midul lalu mandal champian nerima RM400, trofi enggau midul, lumur tiga nerima RM300, trofik enggau midul lalu lumur empat nerima RM200.
Ba pengawa nya mega, Ugak ngemendarka geran dalam RM30,000 kena meli kerusi sereta perengka guna bukai kena ngatur pekit futsal sehari nya.
Ba lansa bukai, Ugak ngelalau bala nembiak di sitak nya, enda ngereja pengawa ke enda menuku baka makai dadah.
“Laban kitai enggai rebak baru kemaya hari tu ke deka nyadi pemesai jemah ila, orang ke enda bepengerai. Bala kitai, rebak baru deka nyadi pemesai, sekretari politik, pemancha, kaunsilor sereta batang pengawa ke dibasa orang.
“Nembiak ke bepengerai sereta cheregas beguna endar betuaika menua tu jemah ila. Enti kitai nadai rebak baru, sapa orang bukai ke ulih dikarapka kitai nyadi pemesai ila. Nya alai, kitai patut sama nyingkang bejalai, iya nya Pasar di ulu sungai patut diidupka, kembuan ke pengelikun sereta pemaik,” ku iya.