Penerima BR1M patut berundingka chara nambah penatai pemisi laban bantu ke diberi nya semina sementara aja
TEBEDU: Penerima Bantu Rayat 1Malaysia (BR1M) ditangkan beratika bantu nya semina sementara aja lalu ukai bantu seumur idup.
Menteri Pelajar, Sains enggau Pansik Teknologi Dato Sri Michael Manyin madahka penerima BR1M patut berunding nambahka penatai pemisi sida seraya ba awak ke sama nguna bantu nya memanah lalu anang menyati nya sengapa ba utai ke enda patut.
Iya minta sida naruh juluk ati ngulihka penatai pemisi ngelui ari RM3,000 tauka RM4,000 taja pan nya mai reti sida enda patut agi nerima
Perintah Barisan Nasional siru enggau rayat nengah chara meri BR1M dikena ngelempungka tating belanja berindik ari rega barang ke majak mar, taja pan ke bendar pekara nya nyadi di serata dunya. Taja pia, anang enda ingat laban bantu nya ke sementara aja. Dato Sri Michael Manyin Menteri Pelajar, Sains enggau Pansik Teknologi
BR1M.
“Perintah Barisan Nasional siru enggau rayat nengah chara meri BR1M dikena ngelempungka tating belanja berindik ari rega barang ke majak mar, taja pan ke bendar pekara nya nyadi di serata dunya. Taja pia, anang enda ingat laban bantu nya ke sementara aja.
“Ke bendar, enti penyampau penerima BRIM majak kurang ba taun ke dudi ila, nya kelai ti manah laban nya mandangka bisi insur ba penatai pemisi rayat ,” ku iya ba p engerami nyuaka baucher BR1M renggat pelilih Tebedu ba Balai Komuniti Tebedu ditu kemari.
Sepenyampau RM258,350 baucher BR1M udah disuaka ngagai 278 iku penerima ke patut nerima bantu sepenyampau RM1,200, RM400 enggau RM450 nya. Sida tu ari raban penerima ke nadai akaun bank endur ngemasukka BR1M nya.
Manyin, ke mega Kaban Kunsil Nengeri Tebedu, ngarapka peny ampau penerima BR1M di pelilih nya ulih dikurang ngagai 10 peratus taun baru.
Di Tebedu ku iya, infrastruktur baka jalai dibelakin enggau elekterik 24- j am udah bisi disediaka ngagai rayat lalu sida patut nguna nya memanah dikena nyungkak penatai pemisi.
“Sida patut beruding ngemansangka tanah NCR endur betanam chara komersial baka nanam lada enggau sawit. Ngagai sida ke bisi anak, peransang sida belajar memanah tauka ngambi latih pengelandik. Nengah chara nya sida ulih nyaup ngelantangka sida sebilik ,” ku iya.
Ku iya, laban Sarawak diatu benung nuju ekonomi digital, nya alai beguna amat ba nembiak rebak baru ngulihka penemu enggau pengelandik kelebih agi di menua pesisir enggau ba ekonomi baru tu.
Sama bisi datai, Sekretari Politik Kepala Menteri John David Nyauh, Sapit Chairman Opis Kaunsil Serian Dr Simon Sinang Bada, Sapit Residen Serian Mastapa Julaihi enggau pemangku D.O Tebedu Gerard George Entigar.