Perambu silik enggau chara ke strategik patut dikemeratka dulu
KUCHING: Perambu ke silik enggau chara ke strategik patut dikemeratka dulu sebedau sistem projek Light Rail Transit (LRT) dipejalaika, pia ku Menteri Perengka Pengangkut enggau Pemansang Infrastruktur, Tan Sri Dr James Jemut Masing ensanus.
Di Hong Kong ku Masing, pemerambu mengeri besai udah lama merambu jalai LRT tauka koridor jalai sebedau sistem LRT nya digaga.
Kitai engka enda ngena diatu tang perambu ungkup ke jemah ila beguna amat dikena nyeliahka nyadi pengawa mantah tauka naydi pengawa ngempang jalai tauka ungkus ba tanah ke dipinta nya niki. Kami ngaga nya di Sarawak tang mayuh agi ke deka digaga kelebih agi dalam kandang mengeri ke mar endur ngiga tanah ke deka dikemansang ,” ku iya madah munyi nya di Hong Kong.
Chara mayar LRT di Hong Kong dikumbai sistem tebuka, reti nya nadai pagar baka struktur bukai ke dikena nagang mensia mayuh tama mayar lalu sida semina ngerimbaska kad sida ba palan elektronik ti digaga besemak enggau platform, ku iya.
Lalu ketegal nya nadai rintai ke panjai ti ngasuh pejalai mensia mayuh lanchar sereta laju, ku iya.
Taja pia, bisi mega insiden salahguna ke alai bisi sekeda orang ke nepan sereta nuurun ari keretapi nya ti nadai ngerimbas kad sida. Betaun udah, pekara tu nadai mayuh nyadi laban mensia mayuh mega nyadi ‘social audit’ lalu ngeripot opis ke bekuasa enti sida bisi tepedaka orang ti ng elangagr atur nya,” ku iya.
Ke bendar, betaun ke udah guna sistem LRTagi mimit, t ang ketegal asai pechaya ke tinggi, bisi kelai penambah ba penumpang, ku Masing ke mega Sapit Kepala Menteri.
LRT Kuching mega deka nyadi sebaka enggau nya lebuh mensia mayuh udah ngasaika penyamai enggau pengelantang nepan LRT ari ti ngena kerita kediri, ku iya.
Masing udah di Hong Kong berengkah ari Hari Dua (20 Mac) nguluka raban ari nengeri tu nemuai ngagai MTR Corporation Hong Kong di Kowloon. ‘MTR’ mai reti Mass Transit Railway.
Menteri Muda Jalai Tebing Pantai Datuk Julaihi Narawi, Sekretari Mendam Opis Menteri Pemansang Infrastruktur enggau Perengka Pengangkut Datu Safri Zainudin, Sapit Direktor ungkup Jematan enggau Wharf, Gerald George sama bisi nyempulang Masing di Hong Kong.
Menijar Besai Perambu enggau Sivil Injiniring The Hong Kong-based corporation Stephen WK Chik enggau staf iya udah meri penerang ngagai raban nya sentang projek LRT.
Sarawak deka ngaga sistem LRT ngambika bisi mayuh bengkah bansa perengka pengangkut setipak enggau juluk nyadi nengeri maju manggai ba taun 2030 kelimpah nambahka penyampau bansa perengka pengangkut ke m ensia mayuh ti bisi diatu.
MTR Corporation Hong Kong udah bisi sistem LRT ti digaga di Hong Kong dalam taun 1988 enggau tuju deka nyendiaka p erengka pengangkut ke mensia mayuh ti laju ke penumpang ti pulai mansang berindik ari mayuh genturung pendiau baru enggau pasar baru ditumbuhka.
LRT di Hong Kong nguna sistem tebuka ke alai penumpang nadai ditagang ngagai platform nya sereta meli tikit sida ba injin di platformsebedau nepan keretapi lalu tu nentuka pejalai laju sereta lanchar.
Entara sekeda penanggul enggau pemar ti digumpul sereta diulih ari penerang bekaul enggau pengawa ngaga sistem LRT, iya nya begunaka perati silik ba per- ambu belanja dikena nentuka ungkus puku ke betul, asil enggau ungkus ngintu/ngemanah ba pengawa ngaga infrastruktur ungkup LRT; beratika berapa peratus syer makit ke ulih dikuasa ari perengka pengangkut mensia mayuh lalu berapa peratus reliabiliti; kandang menua endur meri servis, berapa suah besilih, jalai, platform enggau alai LRT ngetu ti enda tau enda bisi ; pekara pengelikun enda tau enda dipeda silik enti jalai LRT digaga atas jalai laban bisi kaul enggau perengka pengangkut bukai baka bas enggau kerita lalu deriba LRT enda tau enda dilatih manah.
Ba perambu jemah ila enda tau enda ngira pasal ngalauka kandang endur ungkup pejalai LRT.