Mensia mayuh diperansang nyereta Pekit Pidato Negaraku Renggat Sarikei

SARIKEI: Opis Pemadah Malaysia meransang mensia mayuh ti bisi ati, bisi penau sereta landik bejaku nyereta Pekit Pidato ‘Negaraku’ Renggat Sarikei 2018.

Rambai jaku pekit pidato sekali tu iya nya ‘ 1Malaysia Negaraku’ enggau ngena konsep ‘TED TALK’.

Bisi lima batang kenang pidato ti tau dipilih bala pesereta pekit tu baka ‘ TN50’, ‘ Pelestarian Kecemerlangan Negara’, ‘Malaysia Negaraku Makmur dan Berjaya’, ‘Bajet 2018 Teras Kesejahteraan Rakyat’, ‘1Malaysia Negaraku Di Sini Segalanya’ enggau ‘ Transformasi Negara Memperkasa Bangsa’.

Sida ke bisi ati bepekit tau ngambi pom nyereta di Opis Pemadah Bagi Menua Sarikei tauka sebarang Opis Pemadah ti besemak enggau sida baka di Meradong, Julau, Pakan, Tanjung Manis, Matu enggau Daro.

Tetiap pom nyereta ti udah tembu diisi sereta skrip pidato ti deka dibantai patut dianjung ngagai Opis Pemadah Bagi Menua Sarikei sebedau 3 April (Hari Dua).

Sebarang tanya silik pasal pekit tu tau betanya nuju Opis Pemadah Bagi Menua Sarikei ba lumur 084651904 maya jam opis dibuka.

Ari sukung diberi perintah enggau pengawa ngaku teknologi pemadu baru sereta bemacham polisi dipejalaika perintah, nadai kebuah rayat ngenggaika penau perintah ti nyediaka perengka guna ungkup rayat bela ngasaika teknologi ulih besemekih. Datuk Amar Douglas Uggah Embas Sapit Kepala Menteri Sarawak