SPR deka nasat isu bekaul pengundi ‘pemadu tuai’ di Sarawak

KUCHING: Komiti Pengawa Bepilih (SPR) benung nasat isu pengundi ‘pemadu tuai’ di Sarawak baka ti dibantaika sekeda piak nyengkaum parti politik ba nengeri tu.

Pekara nya dipadahka Pegawai Perhubungan Awam SPR Sabri Said lebuh ditelefon kemari.

“Isu tu benung ditasat. Asil tasat penuh ila deka dipadahka,” ku iya meri penerang pandak.

Beberapa parti politik di nengeri tu minta penerang ari SPR bekaul enggau isu pengundi ‘pemadu tuai’ di Sarawak.

Isu nya berengkah narit ati orang pengudah Sekretari Publisiti Pemuda DAP Abdul Aziz Isa dalam seiti portal berita madahka iya tetemuka pekara ‘ misteri’ ti ngembuan tanda tanya.

Jaku Abdul Azizi diambi, madahka iya mansik lama web rasmi SPR ti ngerintaika penerang bekaul pengundi ba Sarawak ensanus ( Isnin) ‘ tekenyit’ lebuh meda umur seiku pengundi, Mohd Said bin Mohd Arshad.

Nitihku laman web nya, Mohd Said diadaka kena 1 Jan 1868, enggau lumur kad pengelala ke bisi ayan nunjukka bukti.

Aziz madahka pengundi nya direjita ba endur ngundi Krokop dalam sitak Kunsil Nengeri (DUN) Pujut enggau Parlimen Miri.

“Enti penerang tu sah baka ti dipadahka nya, tu reti iya Malaysia diatu megai rikut dunya laban bisi peranak menua beumur 150 taun,” ku iya.

Berindik ari pekara nya kemai beberap parti politik minta penerang ari SPR bekaul enggau pekara nya.