Tujuh buah ruang bilik nerima bantu ari KK1M
SARIKEI: Tujuh buah ruang bilik di pelilih nya udah nerima penemu ari raban Pengintu Pengelantang Pendiau 1Malaysia (KK1M) kena Hari Tiga minggu tu tadi.
Sida nyadung bemacham bantu ngagai semua ruang bilik, tang ruang bilik Mrupi Tlajan ke diau di Rumah Nyuka, Lubuk Lemba, Ulu Sarikei, ruang bilik ke penudi endar diabas sida, bisi n erima bantu lebih.
Pengudah di leka Residen Sarikei, Mohd. Junaidi Mohidin ari Dewan Sivik ditu, pesereta KK1M lalu beraban ngena 10 buah entukar bekejang nuju Jalai Haji Karim ngabas siku orang ke raya sakit sereta meri b antu baka kerusi roda, barang pemakai enggau lampin.
Ari nya sida lalu mupok ngagai Rumah Mawa di Genting Kerupok ke alai sida bisi meri b antu barang pemakai ngagai ruang bilik Dorothy Winnie.
Bala bukai ke kurang benasit ke bisi diabas sida baka Hii Nguok Leng di Sungai Meruton; Rose Endu Andau ( Rumah Jemat, Enseluai, Sare); Naja Iran enggau Rostimi Jali (Rumah Dunggat, Sungai Bulat).
Ke bendar, ruang bilik Mrupi nerima m ayuh agi bantu ari sida ke bukai.
Pesereta KK1M diarika raban ari Opis Pengintu Pengelantang Pendiau, Opis Pelilih Menua, Opis Residen, Opis Pengerara Api enggau Penyah Penusah (Bomba), Opis Pengerai, Junior chambers International, Kelab Lions enggau Penulung Kanan Kelab ti udah begulai eng gau peranak rumah panjai ngemanah rumah ke diempu ruang bilik Mrupi.
Pengawa dipejalaika nengah chara beripai, nyilih geladak enggau dinding papan ke buruk nyengkaum langkar ke bukai nyengkaum atap.
Nitihka p enerang ti dipansutka opis pengintu pen ge lantang pendiau, bantu ke diberi ngagai ruang bilik Mrupi tau dipadah ari baruh kategori ‘Bantu Servis Berumah’ l alu enam ke bukai ari baruh kategori’ Ngiga sereta Mantu’.
Sama bisi enggau raban nya Pemesai Pengatur Pengawa (Rama) ari Opis Residen, Jeffreey Jalong, Pemesai Opis Pengintu Pengelantang Pendiau Bagi Menua, Tang Kee Lee; Ketuai Bomba Pelilih Menua, Suna Kaha, Wong Sing Kuok ari Kelab Lions, Wong Sii Kuong ari JCI Sarikei; Charlie Maja ari Opis Pengerai enggau Sharlie Siaw ari Opis Pelilih Sarikei.