Kaban PBB ari Saratok, Kabong begempuru nuntut sitak parlimen Saratok
SARATOK: Seraban orang ngarika Parti Pesaka Bumiputera Bersatu (PBB) Saratok enggau Kabong udah begempuru ensanus nuntut kerusi ba sitak parlimen Saratok.
Maya nya beratus iku penyukung ke datai udah mai banner ke ditulis enggau leka jaku ti madahka hak sida.
Kerusi ny a asal suba diungkupka Barisan Nasional (BN) ngagai Sarawak National Party ( SNAP), tang kena taun 2002 kerusi nya diambi Parti Progresif Demokratik Sarawak (SPDP) lebuh SNAP dikinsil Opis Pengerejista Gerempung.
Parlimen Saratok mungkur tiga sitak kunsil nengeri baka Krian (dipegai Parti Keadilan Rakyat), Kalaka (BN-PBB) enggau Kabong (BN-PBB).
Dalam surat penerang ti disuaka kaban PBB Kabong, Cr Kancil Andong ngagai pengarang berita, madahka sida nangika parlimen Saratok diambi PKR enti kerusi nya di beri ngagai Parti Progresif Demokratik (PDP).
Sida madahka PBB pilih ke pemadu manah ngenanka Saratok ke BN laban Kalaka enggau Kabong nya kuta besai PBB.
Raban nya meda peluang nuntut Saratok pengudah penyandang MP Tan Sri William Mawan Ikom nyadi kaban PBB, ke deka mai penuduk nya diempu parti.
Mawan ngelalaika status iya nyadi k aban PBB kenyau ari taun 2016 nynetukka iya mantaika pekara nya pun bulan tu tadi.
Ku Mawan, iya laun madahka pasal status iya nyadi kaban PBB ketegal gaya politik ti mar di Saratok.
Taja pia dalam bulan Januari taun tu, iya beentelah madahka diri kaban komponen BN tang nadai madahka bagi parti komponen ke dipasuk iya.
Komponen parti BN iya nya PBB, PDP, Parti Rakyat Sarawak (PRS) enggau Sarawak United People’s Party ( SUPP). Dua parti bek aban enggau BN iya nya United People’s Party (UPP) enggau Parti Tenaga Rakyat Sarawak (Teras).
Teras Krian, nengah chairman pampang nya Banyi Beriak madah deka nentuka kaban Teras majak meri sukung ngagai Mawan sereta enda ngira bagi parti ke disereta iya.