SUPP enggau UPP udah nyapai sempekat deka mantu pangan diri maya PRU14 tu ila

KUCHING: Parti Sa’ati Rayat Sarawak ( SUPP) enggau Parti Rakyat Bersatu (UPP) udah nyapai sempekat deka ngembuan kaul ngaga pengawa sida iya enggau tegut lebuh napi Pengawa Bepilih Besai ke14 (PRU14)tu ila.

Kereja nya sebagi ari sempekat saati ke dijapai dalam aum pemungkal Komiti ke Berundingka Kededua Parti nya kena 1 April tu tadi.

Aum nya bela digulu ulih presiden kededua parti, Datuk Dr Sim Kui Hian enggau Dato Sri Wong Soon Koh sereta Sekre- tari Besai sida iya, Datuk Sebastian Ting enggau George Lo.

“Baka ke udah dijapai nengah Sempekat Pemereti Ati (MoU) ke disain kena 23 Mac empai lama tu tadi, kededua piak udah netapka pemerat sida iya deka bekerejasama dalam PRU14 ti deka datai tu ila, laban betatika PRU14 tu deka nyapai pemenang ke besai ngagai Barisan Nasional (BN) menua ke betuaika Kepala Menteri, Datuk Patinggi Abang Johari Tun Openg,” ku Sim enggau Wong nengah penerang ke digaga begu- lai, kemari.

Kelimpah ari nya, aum nya mega mutuska semua Ketuai Komuniti sereta Kaban Kunsil ke ngarika kededua parti nya agi mengkang ngetanka penuduk sida iya nengah ‘status quo’ lalu deka dipejuraika pengudah PRU14 tu ila.

Bela bisi disetuju sama, iya nya Komiti ke Berundingka Kededua Parti nya deka ditambah ngagai 6 iku, iya nya penambah ari sapit presiden ari kededua parti, iya nya Dato Sri Richard Riot enggau Datuk Dr Jerip Susil.