Pasukan Cantas ditumbuhka di ke semua 28 indu opis Polis di Sarawak kena ngemutarka penanggul ke bisi nyadi maya PRU ke-14
KUCHING: Polis Diraja Malaysia ( PDRM) deka numbuhka ‘Pasukan Cantas’ di ke semua 28 indu opis polis pelilih menua di menua tu, kena ngemutarka penanggul pengawa salah ke bisi nyadi maya Pengawa Bepilih Besai (PRU) ke-14.
Kepala Polis Menua Malaysia Tan Sri Mohamad Fuzi Harun madah pemisi ‘pasukan cantas’ tu betuju beratika pengelanchar pengawa bepilih besai ke sekali tu deka bejalai enggau manah, lalu nadai napi sebarang penanggul ke dikeenggaika nyadi.
Iya madah ‘Pasukan Cantas’ nya deka betuaika Ketuai Opis Tasat Pengawa Salah Sarawak SAC Datuk Dev Kumar.
“Pemisi ‘Pasukan Cantas’ nya laban kena ngemutarka penanggul pengawa salah beraban (gansterisme), judi enggau ‘kongsi gelap’ sereta semua pekara ke bisi bekait enggau pengelikun sepemanjai PRU ke-14.
“Tu atur ke berat, kena beratika pengawa bepilih besai ke sekalitu, bejalai enggau lanchar sereta likun,” ku iya madah ba aum pengarang berita beserimbai enggau
Pemisi ‘Pasukan Cantas’ nya laban kena ngemutarka penanggul pengawa salah beraban (gansterisme), judi enggau ‘kongsi gelap’ sereta semua pekara ke bisi bekait enggau pengelikun sepemanjai PRU ke-14. Tan Sri Mohamad Fuzi Harun Kepala Polis Menua Malaysia
penemuai bejalaika pengawa iya ngagai Indu Opis Polis Kontinjen ( IPK) Sarawak ditu, kemari.
Iya madah raban tu deka nyaup raban ‘Unit Tempur Ringan’ (LSF) sereta ‘Unit Tindakan Rusuhan Awam’ (PORU) kelebih agi di 17 ‘sitak angat’ ke udah ditemu endur nya di menua tu.
Mohamad Fuzi nandu baru madahka, urung 7,017 pegawai enggau raban polis deka bejalaika pengawa sida iya ninting maya, maya PRU ke-14 di Sarawak.
Ku iya, penyampau nya mungkur 70 persin ari 9,178 pegawai enggau raban Polis Diraja Malaysia (PDRM) di serata menua tu.
“Kami mega deka ngena servis pegawai enggau raban Polis Marin enggau Pasukan Gerakan Am (PGA), pelatih di palan pengawa latih polis enti sema penyampau nya patut ditambah,” ku iya.
Ba aum pengarang berita nya mega, iya madah polis udah ngelala urung lebih 100 iku orang di Sarawak ke diperatika ulih ngaga penyalah tauka ngenataika penanggul maya PRU ke-14.
Iya madah penyampau nya nyangka deka nambah barang maya nitihka ripot pematau.
Bekait enggau penyendia PDRM napi PRU ke-14, iya madah penyendia udah digaga nyauka dua taun tu ke udah, lalu iya mungkur penyampau pengereja pengawa sereta logistik.
“Taja pan gaya pengelikun di Sarawak agi ulih dikuasa, lalu melabaka nadai penanggul besai ke deka nyadi maya PRU ke-14 tu ila, tang kami tetap besedia,” ku iya.
Sama bisi enggau ngulu aum pengarang berita nya, Direktor Opis Tasat Pengawa Salah Narkotik Bukit Aman ti mega nyadi Kepala Pematau Pengawa PRU ke-14 Datuk Seri Mohmad Salleh sereta Kepala Polis Sarawak, Datuk Amer Awal.