Jalai Menjawah ke Pasar Belaga tikas R3 deka digaga dalam kandang enam bulan tu ila
BINTULU: Jalai Projek Jiwa Murni Menjawah nuju ngagai Pasar Belaga diatu benung digaga manah agi, ngagai tikas R3, nutup jalai ke belubang,lalu pengudah ukir sereta spek jalai nya tembu digaga ulih Opis Kereja (JKR) dalam kandang enam bulan tu ila, jalai tikas R3 nya deka digaga baru.
“Kami tiga Yang Berhormat (YB - Uggak, ADUN Murum Kennedy Chuk Pai Ugon, ADUN Belaga bebansa Kayan, Datuk Liwan Lagang) di sitak tu deka bekerejasama, ngemansangka sitak tu baka ngaga jalai Projek Jiwa Murni Menjawah ngagai Pasar Belaga ke benung digaga diatu,” ku Kaban Parlimen Datuk Wilson Ugak Kumbong.
Iya madah munyi nya lebuh bejaku ngepunka atur pengawa bejadika jalai semin enggau Bekal Elektrik Menua Pesisir (BELB) di genturung pendiau Orang Ulu di Rumah panjai Tugang Laing di Sungai Dangang, Bakun, Belaga, minggu siti nyin tadi.
Ku Uggak, sida iya (raban Kaban Parlimen) seruran diasuh ulih Menteri Besai sereta Kepala Menteri beratika pemerat rayat ke diau di menua pesisir.
“Enti kitai manding gaya kitai baka kediatu enggau kelia, maya agi dipegai ulih ex-Menteri Besai (Tun Dr. Mahathir Mohamad) dalam kandang 22 taun suba, kitai sigi nadai talipaun ke moden, pengurang internet sereta pengurang media rama.
“Nya alai, maya Tun Ma- hathir megai Perintah, kitai enda nemu pasal kompeni Pewaja Steel ke napi pengerugi 20 billion, Perintah napi pengerugi bebiliun ringgit dalam foreign exchange enggau Proton Saga pan bela napi pengerugi.
“Jeman Datuk Najib ( Menteri Besai kediatu, Datuk Seri Mohd Najib Tun Razak)manah agi ari jeman Tun Dr. Mahathir. Maya Tun Mahathir megai Perintah kelia, Kapit sigi enda dikibuhka, nadai jematan di Sungai Baleh Kapit, nadai jalai ari Kanowit ngagai Kapit, nadai BR1M sererta perengka guna bukai.
“Diatu, ped kita, automi menua Sarawak benung digaga, ngambika ulih dipulaika baru ngagai menua tu. Tang maya Tun Mahathir kelia, pengawa ke digaga iya semina nguntungka sepiak nyin aja, baka Menara Petronas. Nya penguntung ke diambi ari Sarawak,” ku iya.
Kelimpah ari nya, Uggak madah Perintah mega betatika pemerat bala nembiak kitai di menua tu bisi pelajar.
“Aku seruran mantu sekula laban aku deka meda bala nembiak kitai pandai ari sukut pelajar sida iya, ngambika sida iya jemah ila, deka bulih pengawa ke besai lalu ulih ngemansangka menua tu.
“Nya alai aku bepesan ngagai bala kepala pengajar, kita nya meh pengajar sereta orang ke bediri nyadi ‘front liner ke betrmu enggau apai indai di menua ulu ngambika ulih mantu Perintah enggau aku