PKB deka bejalaika pengawa bejik anak mit ke diau di Sungai Plan enggau Kampung Pisang
empu maya pengawa bepoloh tu ila,” ku iya.
Uggak nyerumba pupu bansa Kenyah ka endar belaya laban sida iya nadai wakil rayat, tang diatu pemisi pengari ke pupu bansa Kenyah baka Kennedy Chuk Pai Ugon (ADUN Murum), siku Kayan, Datuk Liwan Lagang (ADUN Belaga), Uggak empu (setengah Iban enggau Kajang) nyadi Kaban Parlimen di sitak P.216 Hulu Rejang.
“Dikarapka nadai agi laya lalu semua kita ditu enda tau enda bekerejasama nyukung Perintah kemaya hari tu.
“Aku mega beterima kasih ngagai orang tuai kitai, amei (apao) kitai ke diau di menua pesisir sereta ulu sungai, besabar enggau Perintah lalu nagkan nya aku ngarapka kitai mega mengkang nyukung Perintah Barisan Nasional (BN) di sarawak sereta di Semananjung Malaysia,” ku iya.
Ba atur pengawa nya mega, Uggak ngemendarka RM100,000.00 ke komuniti dia ngagai jalai ari rumah panjai sida iya nuju ngagai pendam besemak enggau rumah panjai nya.
Ba atur pengawa nya mega, Uggak ngemendarka RM20,000.00 kena meli sereta nambah tanah ke sitak rumah panjai sida dia, lalu ke Biro Orang Indu Uma Badang Sg. Dangang, Uggak meri RM6,000.00.
Sama bisi enggau ngulu atur pengawa nya, Pemancha Unak Akah, Penghulu Luhat Anyup, MU Louis, MU Senah, KK Awing Igo, Ketuai Gerempung Orang Indu PRS Lamui, Pegawai Opis Pemadah sitak Belaga, Luhat Lihan, Kaunsilar Bete Lahang, Ketuai Raban Big Bikers Kuching Paul, sereta sida bukai. BINTULU: Opis Pengerai Bintulu (PKB) deka bejalaika pengawa ngitung pengawa bejik ke bala anak mit ke berumur ari 15 taun ke baruh, ke mungkur mensia mayuh ke diau di genturung pendiau Sungai Plan enggau sitak setinggan Kampung Pisang.
Pegawai ari Opis Pengerai Bintulu, Dr Norliza Jusoh madah pengawa nya deka berengkah digaga seharitu (April 5) ari pukul 5.30 lemai ngagai pukul 9 malam.
“Pengawa bansa tu pengawa ke enda tau enda, meresa pengawa bejik ba bala anak mit ke berumur ari 15 taun ke baruh, lalu deka ngejik sida iya enggau pechuma,” ku iya.
Dr. Norliza minta mensia mayuh ke diau di genturung pendiau nya meri kerejasama sida iya ngagai raban pengerai maya pengawa bejik nya dipejalaika.
Iya nandu baru ngelalau mensia mayuh di genturung pendiau nya ngemendarka pegawai ari opis pengerai nya tama ke rumah sida iya lebuh meresa rumah sida iya.
“Minta sida iya nyendiaka surat pengelala diri empu, kad berubat, sereta apai indai meseti ngemendarka raban pengerai nya nuchuk anak sida iya, ke bedau kala tauka bedau abis betuchuk,” ku Dr. Norliza.
Mensia mayuh ke deka nemu pasal pengawa tu enggau silik agi, tau nalipaun Opis Pengerai Bintulu ba lumur 086-858200.