Taba jematan tu dipenyadi Menteri Besai Malaysia nyadi jematan ketiga ti deka mai pemaik ngagai 30,000 iku rayat di sitak Marudi
MIRI: Lebih 30,000 rayat di sitak Marudi deka ngasaika pemaik ari Jematan Marudi maya nya tembu digaga ila.
Pengawa nasih tanah taba jematan ti dipelaba beungkus RM84 juta nya deka dipenyadi Menteri Besai Datuk Seri Najib Tun Razak kena 5 April tu, (saritu).
Iya nyadi jematan ketiga meraka Batang Baram iya nya sungai kedua pemadu panjai di Sarawak. Jematan keterubah digaga meraka Batang Baram iya nya Jematan Asean ti nyambung Miri enggau menua sepiak, Brunei Darussalam, dientudi Jematan Long Lama ke diatu benung digaga.
Nya mega dikumbai jemetan enggau jalai alun ti pemadu panjai antara ketetiga jematan nya.
Menteri Muda Kaunsil Kandang Menua ke lalu nyadi Kaban Kunsil Nengeri (ADUN) Marudi, Datu Dr Penguang Manggil madahka pemanjai jematan nya ila urung iya satu kilometer.
“Aku gaga amat laban juluk aku enggau peranak Marudi ti deka meda jematan tu digaga nyauka nyadi nyata.
“Iya seruran nyadi juluk enggau peransang aku, laban pengawa ngaga jematan tu ngayanka pasar tu mega bisi guna ba pangku pengawa iya baka kandang menua bukai di nengeri tu,” ku iya lebuh randau khas begulai enggau Utusan Borneo ditu.
Nitih ku Penguang, kelimpah ngemandakka agi pejalai ari Miri enggau Marudi, jematan tu ila deka ngemuntangka bala bukai kelebih agi temuai ti deka datai ngelawa pasar Marudi lalu nampung pejalai sida ngagai Taman Negara Gunung Mulu nengah jalai ai ari Marudi.
Tentu pejalai ti diasaika sida chukup manah kelebih agi bala temuai ti deka ngasaika pemar enggau konsep budaya,
Aku gaga amat laban juluk aku enggau peranak Marudi ti deka meda jematan tu digaga nyauka nyadi nyata. Datu Dr Penguang Manggil ADUN Marudi
matau menua enggau rampa menua (CAN).
“Pekara ke nyata, tu deka ngerichahka agi aktiviti enggau ekonomi rama di Marudi, kelimpah matak mayuh agi temuai sekalika datai ari menua tu tauka menua luar, ngelawa pasar tu,” tandu Penguang.
Ku iya nambah, udah dikearap deka meda pasar Marudi mansang agi sereta idup dudi hari.
Jematan tu nyadi penyambung kepenudi antara Miri enggau pasar Marudi, tentu deka nyadi jematan kedua ti digaga pengudah Jematan Sungai Arang.
Pasar Marudi kala dikelala nyadi ‘pasar koboi’ laban jarang dilawa orang luar, ketegal mar deka ke kandang endur nya sekalika nengah jalai darat tauka jalai ai, tentu deka berubah rampa dalam timpuh beberapa taun agi, enggau peranak iya diatu udah sedia nganti penatai iya.
Nitih ku Tuai Rumah (TR) Adam Ongie ari Sungai Arang, jematan tu diantu beribu peranak di pasar nya, pengudah Jematan Sungai Arang tembu.
“Semina Sungai Baram tu aja agi nyadi ‘penekul’ pejalai ngagai pasar Marudi. Diatu servis feri agi diguna enggau kerita sereta orang bukai bebaris panjai ngena servis feri tu, kelebih agi enti bisi pengawa tauka pengerami diatur di Marudi,” ku iya.
Taja pia ku Tr Adam, pengudah jematan nya tembu ila, tentu deka berubah lalu peranak Marudi tentu enda sabar nganti iya datai (Jematan Marudi tembu digaga).
Iya beterima kasih laban rayat Marudi meruan begulai enggau perintah Barisan Nasional (BN) sereta penaluk sida nyata bisi asil, lebuh makin mayuh pemansang dibai tama ngagai pasar nya.
“Aku ulih meragam pemansang ti datai ngagai pasar tu, tentu majak chakah maya jematan tu tembu ila, berindik ari nya, aku deka meransang nembiak redak aku enggau peranak bukai, negrebut awak ngemansangka ekonomi kitai berengkah ari diatu, laban majak mayuh semekih maya jematan tembu jemah.
“Enti kitai enda nyediaka diri ari diatu, tentu kitai deka tinggal ari bansa bukai ila,” ku iya.