Sarawak deka ngurangka kes nembiak indu ngandung Nengah Opis Menteri KKKWPK kes nembiak indu ti ngandung diturunka ngagai sepuluh peratus tiap taun
KUCHING: Opis Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Anak Mit ( KKKWPK) nagit deka ngurangka penyampau nembiak indu baruh umur ti ngandung di nengeri tu dalam sepuluh peratus ninting taun.
Menteri opis nya Dato Sri Hajah Fatimah Abdullah madah taja pan kes nya endang ngirauka komuniti, tang tu ngayanka penyampau ti turun tiap taun tang Sarawak agi ba penuduk kedua tetinggi ari sukut penyampau nembiak indu baruh umur ti ngandung ti nangkanka Sabah ba penuduk paling tinggi.
“Perintah enda semina ngarapka pemujur nurunka kes tu tang deka neruska pengawa ngurangka sereta nyeliahka kes nembiak indu baruh umur ti ngandung di nengeri tu,” ku iya bejaku ba pengerami nutup ‘The Parenting Teenagers Courses in English & Chinese’ ba Sarawak Club, ditu kemari.
Ku Fatimah, kes nembiak
Perintah enda semina ngarapka pemujur nurunka kes tu tang deka neruska pengawa ngurangka sereta nyeliahka kes nembiak indu baruh umur ti ngandung di nengeri tu. Dato Sri Hajah Fatimah Abdullah Menteri Pengintu Pengelantang Pendiau, Komuniti, Orang Indu, Ruang Bilik enggau Pemansang Anak Mit
indu baruh umur ti ngandung di Sarawak sebedau tu ti bisi dirikod iya nya penyampau ke tinggi ti bisi 4,078 kes ba taun 2013.
Ku iya nambah, entara faktor ti mai ngagai kes nya nyadi iya nya ari kaul entara nembiak laki enggau indu ti nadai ditagang eklimpah ari sida nyamai bulih gambar tauka video ti enda menuku.
Taja pia, ku iya, nya nurun ngagai 14 peratus ba taun nyin kemari enggau ngerikod sepenyampau 2,130 kes entai dibanding ba taun 2016.
“Berindik ari nya, kimpin penyedar ari perintah enggau Gerempung Ukai Dikuasa Perintah (NGO) deka terus chakah dipejalai taja pan nya udah mantaika pemanah dalam pengawa ngurangka kes nembiak indu baruh umur ti ngandung,” ku iya.
Kelimpah ari nya, Fatimah madah siti agi pekara ti ngirau sereta begunaka timbal ti lengkas iya nya penyalah gian dadah ba raban nembiak ti nitihka penyampau pemutus peresa ai kemi ti dipejalai ngagai 1,516 nembiak sekula ba 85 buah sekula taun nyin kemari, bisi 112 ari sida positif dadah.
“Kes penyalah rama ti majak niki tu begunaka perati ti lengkas sereta kaul ukai semina perintah tang mega apai indai, komuniti sereta NGO, ku iya.