Manifesto ti nungkatka rambai jaku ‘Ngemansang S’wak Nengah Ekonomi Digital’ ngundan enam batang pekara
KUCHING: Chairman BN Nengeri Datuk Patinggi Abang Johari Tun Openg kemari ngelanchar Manifesto Barisan Nasional (BN) Sarawak dikena napi Pengawa Bepilih Besai Ke14 (PRU14) di Indu Opis Parti Pesaka Bumiputera Bersatu(PBB) ditu.
Manifesto ti nungkatka rambai jaku ‘Ngemansang Sarawak Nengah Ekonomi Digital’ nya ngundan enam batang pekara.
Ku Abang Johari, manifesto nya seraris enggau manifesto BN Menua ke dilanchar Menteri Besai Datuk Seri Najib Tun Razak kena 7 April tu tadi.
Andal ati enggau Manifesto BN Menua ti mai pemaik ngagai Sarawak, Abang Johari pechaya manifesto BN Nengeri deka ngemujur semua semaya nya.
“Nengah manifesto nya
Nengah manifesto nya BN Nengeri deka nyamin hak Sarawak meruan dijaga, tajapan ngelama tu udah majak lenyau, lalu patut dipulaika baru. Datuk Patinggi Abang Johari Tun Openg Chairman BN Nengeri
BN Nengeri deka nyamin hak Sarawak meruan dijaga, tajapan ngelama tu udah majak lenyau, lalu patut dipulaika baru,” ku iya.
Enam batang pekara dalam manifesto BN Sarawak iya nya kesatu, kami deka majak nyaga hak kitai sereta ngetanka pemaik enggau penyerakup.
“Kedua, kami deka majak nyendia peluang pelajar sekula enggau perengka rama ke manah agi. Ketiga, kami deka terus nyungkak transformasyen menua pesisir.
“Keempat, kami deka ma- jak ngangkatka pemanah kualiti pengidup rayat kitai lalu kelima kami deka majak nyendia peluang baru dikena neruska pemansang enggau penyenang.
“Keenam, kami deka majak ngemeranka atur pengawa perintah ti manah enggau integriti,”ku Abang Johari ke mega presiden PBB.
Pengawa kemari bela digulu bala presiden ari parti dalam gempung BN Sarawak iya nya Tan Sri James Masing(PRS), Datuk Dr. Sim Kui Huan (SUPP) enggau Datuk Seri Tiong King Sing(PDP).