Bala pengajar enggau nembiak patut nitih ubah pekara digital
KAPIT: Berita politik ngerimbas pending madahka ex- Kaban Kunsil Nengeri ( ADUN) Pelagus, George Lagong nyadi chalun bepenau menang ditu di baruh tikit Pakatan Harapan (PH).
Ba penemu bala kitai, sekalika tu semina berita bula tauka amat, kitai bela nganti hari ngantung nama. George Lagong datai baru bejalai ngaul rayat sebelah pak kupi ditu.
Iya enda kediri. disempulang ex- Ketuai Kunsil Opis Pelilih Menua Kapit Frankie Bedindang Manjah ke nyadi chalun Parti Tindakan Demokratik (DAP) rambau Pengawa Bepilih Nengeri (PRN) nyin tadi, bediri minta pilih di Pelagus ngelaban BNPRS Wilson Nyabong Ijang, dalam taun 2016.
Maya Pengawa Bepilih Besai Ke-14 (PRU14) deka datai, penyandang chalun BN-PBB Parlimen Kapit, Datuk Alexander Nanta Linggi enggau penyandang chalun BN-PRS Parlimen Hulu Rajang Datuk Wilson Ugak Kumbong.
Penerang ari berita dikerembai sebelah pak kupi madahka seduai nya kandang beberapa hari kenyau ari pun bulan April udah bejalai sebelah pasar Kapit betemu enggau bala penyukung sida sereta mensia mayuh pasal gaya politik nyadi ditu diatu.
Siti tim ADUN ari Sarawak Worker’s Party ( SWP), George Lagong, 58 taun, dialahka siku ex-Menteri Muda di Opis Kepala Menteri, Larry Sng Wei Shien, berengkah gawa ari 16 April 2011 ngagai 6 Mei 2016.Iya alah ngagai ADUN ke diatu, Wilson Nyabong Ijang.
Lebuhka ditanya pengarang berita, ku George, iya mulaika diri ngagai Kapit keterubah deka ngulu Ching Ming (Pen- gawa Sembiang Antu China) lalu kedua deka betemu enggau bala penyukung sereta bala bakih ke diau ngelingi seraya minta penemu sida pasal Kapit.
Iya ngasaika perintah patut gawa mayuh agi ungkup komuniti Dayak ditu laban Kapit nyadi menua besai Iban.
“Tambah mega Kapit tu nyadi menua bansa Dayak Iban.
Taja pia, sida agi tinggal ba semua sukut pengidup – ekonomi, pelajar enggau ke bukai.
“Aku beratka pekara pengelantang peranak menua pesisir. Aku pechaya perintah enggau semua pemansut ke bisi ulih bejalaika pengawa mayuh agi ungkup peranak menua pesisir dikena ngenyemakka takah antara kandang mengeri enggau menua pesisir kelebih agi nyungkak tikas pengidup,” ku iya.
“Nadai tanah, Dayak Iban deka merinsa. Amat, sida ke diau di rumah panjai menua pesisir bisi tanah tang enda entu dikeibuh sereta kurang belanja dikena ngemansangka tanah sida ngulihka penatai pemisi.
“Tu ke alai perintah nengah mayuh bengkah ejensi ulih datai mantu pengempu tanah berimbaka tanah sida dikena nambah rega sereta mansutka belanja,” ku George Lagong nambah.
Lebuhka ditanya baka ni mai pemansang ngagai Kapit, ku iya nimbal, peranak Kapit meseti ulih nerima ubah ngemanahka agi ekonomi, pelajar enggau polisi sida.
“Anang tepekul ba chara lama. Enti kitai takut deka berubah lalu meruan ba zon lantang chara lama, kitai deka tinggal belama seraya bansa bukai mansang. Baka diatu, aku nadai meda sebarang pengawa dikena berubah (nadai pasang baka ai pegung,” ku iya. BINTULU: Berindik ari bidang pelajar majak digital, bala pengajar enggau nembiak meseti ulih berubah nitihka pengelebih teknologi kelebih agi ba pengawa ngajar enggau belajar.
Chairperson Gerempung Pengajar Sarawak (STU) Bagi Menua Bintulu, Soo Siew Huong madah dalam dunya natai sekat tu, kelebih agi bala pengajar, meseti seruran ngemaruka penemu diri seriris enggau jeman.
Pekara tu ku iya beguna amat dikena ngurangka takah teknologi antara sida empu enggau bala nembiak sida.
“Tech-savvy deka ngasuh bala pengajar ulih ngena pengelandik ICT mangka agi sereta manah agi ba pengawa ngajar enggau belajar ari pengawa nempa rindu agi ngagai bala nembai dibida chara lama ngajar enggau belajar,” ku iya rambau pengawa nutup workshop Google Apps ungkup pelajar di sebengkah hotel ditu.
Nitih ku iya, STU Bintulu udah merambu kus, workshop enggau seminar ti relevan ungkup bala kaban dikena nambahka tikas profesional sida ngajar.
“Ari pengelebih program pelajar tu, kitai ngarapka iya deka dikena begulai enggau budaya belajar antara bala pengajar ba pengawa ngenegapka kitai diatu enggau pengajar jemah,” ku Soo.
Iya mega ngarap sida ke bisi datai ngulu workshop Google Apps deka bisi ati nampung latih ke bukai lalu ngambi peresa nyadi pematih ditukuka Google.
Workshop dua hari berunggu ti tembu kena Hari Enam tu tadi diatur pematih ditukuka Google, Tammy Teo Ching Sing enggau pengajar tikas 1 ditukuka Google, Tan Yen Ping.