Kelimpah ari nya sida meseti landik dalam ekonomi digital dikena nentuka juluk nengeri tu ulih dijapai, enda tinggal ari pemansang
LAWAS: Bala nembiak kelebih agi ari unit Nembiak Barisan Nasional (BN) diperansang ngaul diri dalam pengawa betanam betupi enggau ekonomi digital ti endang benung mansang di nengeri tu.
Ketuai Nembiak Parti Pesaka Bumiputera Bersatu (PBB) enggau Ketuai Nembiak BN Nengeri, Gerald Rentap Jabu madah raban nembiak nyadi raban gawa besai mantaika juluk Sarawak ngagai pekara nyata nyadi nengeri maju di Malaysia.
“Raban nembiak meseti nentuka sida enda tinggal di belakang dalam dunya ekonomi kemaya hari ti jampat mansang seriris enggau pemansang teknologi,” ku iya.
Ku Rentap, raban nembiak Sarawak meseti ba pelasar tu betul dikena ngengkahka pemujur dudi hari laban sida gawaka pemansang di serap menua jemah.
Iya mansutka jaku tu rambau program randau diatur Raban Nembiak PBB Zon 11 di Serakup Bola Jaring Lawas.
Antara sida ke bisi datai Kaban Kunsil Supreme
Raban nembiak meseti nentuka sida enda tinggal di belakang dalam dunya ekonomi kemaya hari ti jampat mansang seriris enggau pemansang teknologi. Gerald Rentap Jabu Ketuai Nembiak Parti Pesaka Bumiputera Bersatu
PBB enggau Sapit Chairman Pampang Bukit Sari, Kaunsilor Awangku Jinal Abidin Pengiran Jawa, Sapit PBB Tengah Central lalu nyadi Ketuai Nembiak Pampang Ba’Kelalan Christopher Lasong enggau Ketuai Nembiak PBB Bukit Kota, Kaunsilor Sufian Mohat.
Rentap, ke mega ADUN Layar, minta Raban Nem- biak BN di Limbang enggau Lawas terus gawa nentuka BN menang enggau begaya maya Pengawa Bepilih Besai Ke-14 (PRU14) ti deka datai.
Ba lansa bukai, Raban Nembiak BN mega bisi bejalai ngagai pasar Trusan lalu betemu enggau pengatur pengawa, Sapit Menteri Menteri Dagang Dalam Menua, Koperasi enggau Orang Bebelika Barang (KPDNKK) ti bejadika Program Jualan Sentuhan Rakyat (PJSR) dia.