Chalun BN deka bepadan nengali alan enggau PH ba sitak Parlimen Limbang
MIRI: Penyandang Parti Pesaka Bumiputera Bersatu (PBB) di Limbang disadang bepadan nengali nalan enggau chalun Parti Keadilan Rakyat (PKR), Dr. Ricardo Yampi Baba, bediri minta pilih di baruh tikit Pakatan Harapan (PH) ungkup penuduk P221 Parlimen Limbang maya Pengawa Bepilih Besai Ke-14 (PRU14) tu.
Chalun PKR, Dr. Ricardo Baba, siku pengelicha ba sebengkah palan pelajar tinggi di Semenanjung Malaysia.
Lebuhka dirandau di Kuala Lumpur kemari, Dr Ricardo ngansak peranak di Limbang meri iya awak mangku pengawa di Parlimen.
Ku iya, mayuh macham perambu ungkup rayat nyengkaum sida di mengeri, semak mengeri enggau kandang menua pesisir Limbang dikena ngenyampatka agi pemansang pasar di garis entara menua adap Utara Sarawak.
Peranak bansa Bisaya, penatai asal ari Kampung Bidang di Batu Danau ngarap mayuh agi pemansang ulih dipejalai di Limbang nyengkaum infrastruktur enggau sektor dagang temuai laban Limbang nyadi pasar di garis entara menua ngagai Brunei, ke alai semua komuniti ari pupu bansa teulihka pemaik.
“Aku ngarapka peranak di Limbang deka meri aku awak gawaka sida ke alai aku ulih ngena peneleba diri kelebih agi ungkup bala komuniti,” ku iya madah nyemetak.
Nangkan naya penyandang Limbang, Hasbi lebuh dirandau di Kuching madahka sida bedau nerima nama chalun ari BN.
Ku iya, naka diatu nadai pengawa ngenuku ari penyakal sapa bagi deka bediri minta pilih di Limbang.
“Kitai nganti sereta berati sapa bagi chalun lalu deka mutuska nama bagi pengawa udah nya,” ku Hasbi madah.
Haji Hasbi ada dalam taun 1963, iya nya siku kaban politik Malaysia lalu iya diatu nyadi penyandang Kaban Parlimen (MP) ungkup sitak Limbang di Sarawak.
Hasbi dipilih ngagai Parlimen ari tisau mit dalam pengawa bepilih 2008 ungkup penuduk Limbang ke baru ditempa. Iya sebedau nya gawa nyadi injinir.
Dalam taun 2008, Hasbi (PBB) teulihka 6, 427 undi ngalahka Lau Liak Koi (PKR) 5, 751 undi.
Taun 2008, Hasbi (PBB) teulihka 12, 999 undi seraya Baru Bian (Chairman PKR Sarawak) bulih 4, 698 undi.
Dr. Ricardo Baba siku pengelicha ke chakah gawa di menua tu enggau suah mega dikangau meri licha pasal pengawa dagang ba Universiti Teknologi Brunei.
Sebedau gawa enggau Uni- versiti Xiamen, iya kala gawa enggau Curtin University Malaysia pengelama tiga taun, Universiti Malaysia Sarawak (UNIMAS) lima taun pengelama lalu Universiti Malaysia Sabah ( UMS) pengelama lapan taun.
Dr. Ricardo Baba ngembuan DBA degree dalam International Banking ari University of South Australia, MBA degree dalam Marketing and International Business ari University of. New Haven, BBA degree dalam Management ari Ohio University, sereta Diploma Public Administration ari Universiti Teknologi MARA.
Iya kala gawa enggau Raiffeisen-Boerenleenbank B.A., Standard Chartered Bank, enggau Bank Negara Malaysia, sekumgang timpuh 20 taun ke udah.
Iya ngajar enggau ngaga pansik dalam servis wang, dagang antarabansa, enggau pengawa dagang.
Dr. Ricardo Baba mega bisi bejalaika konsultan industri dalam Pengelandik Berunding, Komunikasyen Dagang, Ngatur Komunikasyen Budaya, Nulis Keretas Kereja enggau Ripot, Pengatur Kredit, Keretas Kereja Akaun Bank, Nyendiaka Pelin Dagang, enggau Servis Penguna.