Tiga MoU disain beserimbai enggau ISES 2018
KUCHING: Kepala Menteri Datuk Patinggi Abang Johari Tun Openg ngemataka tiga pengawa nyain sempekat pemereti ati (MoU) nyerumba bejadika ‘4th International Sustainable Energy Summit (ISES) 2018’, kemari.
Sempekat (MoU) keterubah iya nya entara Sustainable Energy Development Authority (SEDA) Malaysia enggau Pusat Latihan Proaktif (PLP) Sarawak pasal ‘Mutual Cooperation on Human Capital Development’, enggau objektif deka ngenegapka pemansang modal mensia, baka nyendiaka program latih ungkup injinir enggau orang teknikal menua tu dalam bidang teknologi Solar Photovoltic ( PV) di Sarawak.
Kedua, MoU entara Petra Energy Berhad enggau Pekat Teknologi Sdn Bhd pasal ‘Strategic Partnership To Have A Greater Exploration In The Renewable Energy Industry’, lalu MoU ketiga entara Cypark Re-store Sdn Bhd enggau Tesvolt GmbH pasal ‘Development of Energy Storage Projects In Malaysia’.
‘4th International Sustainable Energy Summit (ISES) 2018’ ti diatur begulai Sustainable Energy Development Authority (SEDA) Malaysia enggau Opis Menteri Utiliti sereta kerejasama Opis Menteri Kuasa, Teknologi Gadung enggau Ai sereta Perintah Nengeri ba sebuah hotel ditu, kemari.
Dalam jaku pengelalu ISES, Senator Dato Sri Devamany S. Krishnasamy madahka rambai jaku ISES iya nya ‘Sustainable Energy: The Future Is Her’ senipak enggau pemendar pengawa peritah dalam tran- sisyen kuasa.
Lebih agi ku iya, ‘mandat’ ke diberi ngagai SEDA dikena ngemansangka Renewable Energy Transition Roadmap (RETR) 2050 ti deka tembu taun baru.
“RETR tu nyadika lalau ngagai menua nuju transisyen kuasa dikena nyapai ‘carbon neutrality’ lebuh manggai ba taun 2050,” ku iya.
Nitih ku iya, ujung bulan Januari SEDA udah ngemendarka asil puku ti dianggar sepenyampau RM11.2 bilion ari baruh skim Feed-in Tariff (FiT) lalu projek tu dipela- baka nyendiaka 27,000 peluang gawa.
Lalu ujung bulan Januari, penyampau kumulatif iya nya 12,190 FIT dikemendarka nengah penyampau kapasiti kuasa tau dikena baru 1,636 megawat ke alai 534 megawat udah tejapaika operasyen dagang.
ISES, iya nya palan endur bekunsi penemu pasal pengenan kuasa sereta meri penguntung ngagai pengawa dagang .
Pemadu beguna, meri peluang ngagai Sarawak mandang ngagai dunya penyulut sereta komitmen dalam agenda gaya sereta ke bukai.
Sama bisi datai ba pengerami nya kemari Menteri Utiliti Datuk Dr Stephen Rundi Utom, Sekretari Perintah Nengeri Tan Sri Datuk Amar Mohamad Morshidi Abdul Ghani, Menteri Pelajar, Sains enggau Pansik Teknologi Dato Sri Michael Manyin Jawong, Menteri Wang Kedua Dato Sri Wong Soon Koh enggau ke bukai sereta lebih 700 iku pesereta.