Snowdan: S’wak ulih nempa mayuh atlit betikas dunya
KUCHING: Sarawak bisi potensial nempa mayuh atlit betikas dunya nengah pengawa mai sida bepekit ngagai renggat antarabansa, ku Menteri Muda Nembiak enggau Lumba, Datuk Snowdan Lawan.
Nitih ku iya, penyereta bala atlit ba pekit tikas dunya ulih ngangkatka prestasi ke diatu ngambi ulih agi besemekih.
“Lebuh kitai ngatur pekit antarabansa, tu deka meri pengelala ngagai bala atlit.
“Ari nya kitai ulih beratika potensial pemain ti ulih agi besemekih ngambika ulih mekit atlit menua ba tikas dunya,” ku iya.
Snowdan mansutka jaku nya lebuh bejadika program tiga dalam satu, Festival Hari Santubong, Pekit Petanque Tebuka Sekula Sarawak enggau Tebuka Mangkuk BAKSRI ( Politeknik Kuching) enggau Karnival Pelajar CATS II di Henturung Pendiau Santubong ditu, kemari.
Sama bisi datai Chairman Komiti Festival Hari Santubong 2018, Golnar Daud, Chairman BAKSRI Politeknik Kuching, Umar Abdullah enggau Sapit Pemesai Opis Pelajar Pelilih Kuching, Chen Fei Ming.
Pia mega ku iya, taja Ma- laysia bisi 40 juta peranak, tang nadai pematut enda ulih nempa mayuh agi atlit betikas dunya.
Lalu ngangkatka Malaysia nyadi siti ari kuasa besai lumba di dunya.
“Kitai ngambi chunto New Zealand, ari pemayuh tubuh peranak urung empat juta iku, tang sida mujur nampa 18 pemenang midul emas ba pekit dunya,” ku iya.
Berindik ari nya, Sarawak ku iya mega ulih ngaga pekara ke sama bangemujurka juluk enggau tuju deka nyadi kuasa lumba di menua enggau rantau tu.