Pengawa ngemanahka jalai semanjai 43.2 km Miri ke Marudi lanchar
KUCHING: Pengawa ngemanahka jalai semanjai 43.2 km ke nyambung Miri ngagai Marudi lanchar digaga ngelui ari timpuh asal 30 bulan ti ditetap. Datai ba 25 Mac 2018, pengawa ngemanah jalai dipelaba manggai 42.8 peratus tembu tang udah manggai 49.28 peratus tembu, ngelui ari 6.41 peratus tembu ari ke ditimpuh.
CMS Roads Sdn Bhd bisi tagit pengawa ngemanah jalai nya tembu manggai 68 peratus maya kemisi Gawai dikena nentuka pengelanchar pejalai penguna jalai ti ngintu Gawai enggau musim kemisi Hari Raya Aidilfitri, udah nya.
Dikena nentuka pejalai penguna ti betengahka jalai nya lanchar sekumbang musim hari besai tu, CMS Roads benung ngerumban pengawa nembuka jalai ba kandang menua besai, enggau nadai ngelaungka pekara kualiti. CMS Roads mega meri jamin ngagai mensia mayuh ke alai sida deka naka ulih ‘mutarka semua penanggul’ dikena nentuka sida betengahka jalai nadai napi penanggul.
Pengawa ngemanah jalai berengkah kena 15 September 2016, beratika pemerat peminta mensia mayuh ba pengawa ngemanahka sambung jalai tu ketegal gaya jalai ti enda nyamai ditengah sereta peminta ti majak nambah, CMS Roads nyanggup dalam bulan Mac nyediaka penerang ke pemadu baru ungkup suku taun ba pejalai projek nya.
“Kami berasai lantang ati madah taja pan mayuh pemar ditapi ari gaya rampa tanah endur ba pekara ngulihka kereban, gaya hari enggau peminta nentuka jalai nya berengkah ditengah mensia mayuh, enggau naka ulih, lebuh kereja benung digaga, kami agi ngelui ari timpuh, ba kunterik.
“Bejalaika pengawa lalu tagit projek ngelui ari timpuh, kami berati memanah bida mayuh bansa entukar ti nengah jalai, sebedau, maya enggau pengudah kiruh musim kemisi Gawai enggau Hari Raya Aidilfitri, enggau empas sida ba pengawa ngintu enggau pemansang jalai.
“Pengudah lebih 18 bulan kenyau ari projek berengkah digaga, fokus meruan ba pengawa ngangkatmanah agi ungkup timpuh panjai ngagai jalai nya nentuka pengelikun sereta tetangkupka peminta sida ti mindah antara Miri enggau Marudi.
“Kami mega nemu sida ti betengahka jalai alun majak nambah maya musim pengerami tu, lalu kami deka meri jamin sida ti betengkahka jalai Miri-Marudi ke alai semua pengawa benung dipejalai dikena ngurangka pengelaun, dikena nentuka pejalai lanchar maya jam jalai sekut.
“Kami mega meri terima kasih laban bisi peluang nerang ngagai Menteri Besai Malaysia, Datuk Sri Najib Tun Razak, mantaika penerang ba pejalai kereja ti positif lebuh pejalai iya ngabas taba kena 4 April 2018 tu tadi,” ku Ketuai Pemesai Eksekutif CMSB Group – Operasyen, Goh Chii Bing nengah penerang berita sida kemari, lebuh ngenang pasal penerang baru pengawa ngemanah jalai Miri-Marudi renggat kelima.
Penerang baru status projek naka 25 Mac 2018 baka di baruh;
Pemansang Fizikal Pejalai Pengawa Ngemanah Jalai: 42.8 peratus, Pemansang Fizikal Ke Amat: 49.28 peratus, Ngelui Ari Timpuh 6.41 peratus, Belakin Premix Tembu: 15.83 km, Sub-Base ke udah ditembu (nyentuk ke lapis keterubah): 39.21 km, Pelasar Jalai Tembu: 28.9 km, Negapka Paip Semin kelebat: 17 ari 21 tembu, Parit Tisi Jalai – Kandang Baruh: 8.5 km tembu ba kededua piak. Pemesai Kandang Menua: 2.0 km tembu ba kededua piak.
Opis Kereja Raya (JKR) sereta Opis Tanah enggau Survei mantu ba pekara tanah ti bedau diputar. Taja pia, CMS Roads udah diberi pemendar ari pengempu tanah nampung pengawa ba bagi jalai kena pangka lalu kereja benung dipejalai.
Penerang nya mega madahka perambu CMS Roads nangkanka tu pasal projek nya ditimpuh ungkup Q3 2018.