PJSR entara inisiatif perintah dikena mantu sereta ngelempungka tating belanja rayat kelebih agi sida ti kurang penatai pemisi
LAWAS: Perintah Barisan Nasional ( BN) seruran ngemeratka peminta rayat di menua pesisir enggau ngatur bemacham program dikena mantu sida napi ungkus belanja idup niki di serata dunya.
Sapit Menteri Dagang Dalam Menua, Koperasi enggau Orang Bebelika Barang (KPDNKK) Malaysia, Datuk Henry Sum Agong madahka Program Jualan Sentuhan Rakyat (PJSR) siti inisiatif perintah mantu rayat kelebih agi raban kurang penatai pemisi.
Ku iya, rayat patyt meri sukung tegap ngagai BN nampung mayuh bengkah pengawa enggau inisiatif dikena ngelempungka tating ti ditapi rayat.
“Kitai bisi mayuh pengawa berengkah ari program anak mit baru ada nyentuk orang tuai ti mungkur semua pekara ba pengidup rayat,” ku iya rambau atur program PJSR di Trusan apin lama ke udah.
Henry Sum mega dekaka kaul rebak ketuai nembiak chakah ngaul diri enggau rayat ngambika seruran
Kitai bisi mayuh pengawa berengkah ari program anak mit baru ada nyentuk orang tuai ti mungkur semua pekara ba pengidup rayat. Datuk Henry Sum Agong Sapit Menteri Dagang Dalam Menua, Koperasi enggau Orang Bebelika Barang
meretika juluk rayat renggat baruh.
“Pekara tu beguna amat ba pengawa sida ngelangkar mayuh agi pemansang dudi hari ti tau meri pangka nga- gai majoriti rayat di menua pesisir, tebal agi sida iya nya komuniti Bumiputera,” ku iya.
Sama bisi datai meri sukung iya nya Ketuai Raban Nembiak BN Sarawak ke lalu nyadi Ketuai Raban Nembiak PBB Sarawak, Gerald Rentap Jabu enggau Kaban Kunsil Kereja Tetinggi (MKT) PBB Sarawak ke lalu nyadi Sapit Ketuai PBB Pampang Bukit Sari, Kr Awangku Jinal Abidin Pengiran Jawa.