‘Akujanji Wanita’ BN Sarawak deka nentuka 25 sitak terus ditan ba PRU14
MUKAH: Jentera Parti Pesaka Bumiputera Bersatu (PBB) Igan dikingat anang enda beratka pekara Pengawa Bepilih Besai Ke-14 (PRU14).
Kaban Kunsil Nengeri (ADUN) Jemoreng, Datuk Dr Juanda Jaya madah, tetiap kaban parti bisi tanggungpengawa ba pemutus undi.
“Tetiap kaban parti enggau ranting patut bisi tanggungpengawa ba pemutus sekalika alah menang parti ( PBB) maya PRU sekali tu,” ku iya lebuh ngelancharka palan operasyen enggau semua jentera parti ungkup sitak Parlimen Igan, lemai ensana.
Pemenang PBB di Igan patut diayan ngagai peti undi lalu pekara tu beguna amat.
“Kitai sedia ngetanka Igan sekali tu, tang kitai mega patut meri undi majoriti ti besai,” ku iya nerang.
Berindik ari pengawa ngelanchar palan gawa nya, iya mega dekaka semua ranting bela chakah gawa.
Ngelansa pasal chalun, ku iya, pekara tu patut dilempai ngagai bala ketuai tetinggi parti ngambi nentuka iya.
“Pekara beguna amat, kitai patut gawaka parti lalu ukai ketegal chalun tauka individu,” ku iya nambah. KOTA SAMARAHAN: ‘ Akujanji Wanita Barisan Nasional’ ( BN) Sarawak deka nentuka 25 sitak ke dimenang ba Pengawa Bepilih Besai ( PRU) Ke- 13 terus ditan sereta ngambi empat agi sitak ba PRU14, kena 9 Mei tu ila.
Ketuai Orang Indu BN Sarawak, Dato Sri Fatimah Abdullah madahka raban Orang Indu BN deka beserakup enggau raban Nembiak enggau Badan Induk BN dikena nyapai juluk BN Sarawak menang besai.
“Raban Orang Indu BN deka besaup sereta bekerejasama enggau raban Nembiak enggau Badan Induk dikena ngenukuka 25 sitak ke dimenang dalam PRU13 ulih ditanka, lalu kitai ngambi empat agi sitak, ngambika juluk 29/31 sitak Parlimen ba Sarawak dikeempu BN sereta Sarawak nyadi kubu kuat BN,” ku iya.
Fatimah ti mega Ketuai Indu Parti Pesaka Bumiputera Bersatu ( PBB) mansutka pekara nya dalam jaku pengelalu Majlis Pelancaran Jentera PRU Ke- 14 Wanita BN Sarawak ke diatur ba Dewan Suarah ditu, kemari.
Jentera PRU14 Orang Indu BN Sarawak mujur dipenyadika Kepala Menteri Datuk Patinggi Abang Johari Tun Openg, ti mega Chairman BN Sarawak.
Nambahka Fatimah madahka Akujanji Indu BN Sarawak deka bejalai sereta betemu ke diri empu enggau rayat tauka pengundi dikena nentuka bisi sukung ari rayat.
“Menjejaki pengundi sereta mansik ulah sida nengah Jalinan Rakyat Plus (JR+) ngambika servis ti diberi senipak enggau peneka sereta ulih napi aspirasi rayat.
“Nurun padang dikena meri servis, begulai enggau sida (reaching out), ayanka penyiru ngagai sida (touching their hearts) enggau terus begulai dalam runding sida ( engaging their minds),” ku iya lebuh ti nyebut entara Akujanji Indu BN Sarawak.
Lebuh ke ngenang pasal Manifesto BN PRU14 iya mega beterima kasih ngagai Chairman BN Menua Datuk Seri Najib Tun Razak labn ti beratka pengelantang pendiau enggau pengulih orang indu Malaysia.
Fatimah mega beterima kasih ngagai Kepala Menteri Datuk Patinggi Abang Johari Tun Openg ti mega Chairman BN Sarawak laban manifesto BN Sarawak PRU14 ti nyengkaumka orang indu sama ngasaika pemansang nenagah pemansang enggau pengerembai ekonomi digital.
“Terima kasih Datuk Pat- inggi Abang Jo. Kami pechaya ke nuan sereta nyukung iring nuan sereta chara nuan ngiring, lalu kami ulih meri jamin kami Indu BN deka terus nyukung inisiatif ke dipejalaika nengah sukung politik ba PRU14,” ku iya.
Berebak enggau tu Ketuai Orang Indu BN Menua Tan Sri Shahrizat Abdul Jalil lebuh bejaku ba pengerami nya madahka diri bisi pengarap besai ngagai pemujur BN ba nengeri tu.
Iya arap bendar BN Sarawak ulih menang ba lebih ari penyampau sitak parlimen ke dikearapka, berindik ari sukung sereta kerejasama BN nyengkaum Indu BN nengeri tu.
“Kitai udah chukup pemisi (ingredient) sereta chukup besedia. Maya 9 Mei ila kitai minta berkat Tuhan, BN menang enggau manah.
Nambahka nya lebuh dik- erandau pengudah tembu pengerami nya, Shahrizat ngarapka ba PRU14 tu deka lebih mayuh agi orang indu dichalunka.
“Aku pan berasai kesal nganti sereta meda peratus orang indu diberi peluang ila. aku arap bendar Chairman BN Nengeri, Kepala Menteri sereta Menteri Besai deka nentuka bisi chalun orang indu.
“Lalu enti nitihka rikut Sarawak, nengeri tu ngembuan penyulut ti manah dalam penyereta orang indu nyadi kaban Parlimen enggau Kaban Kunsil Nengeri.
“Nya alai aku ngarapka maya PRU deka ditambah rikut orang indu (Sarawak) laban sida seruran konsisten meri peluang ngagai orang indu,” ku iya seraya madahka deka nentuka BN menang, orang indu mega patut dikemeratka.