Menua pesisir deka dikemansang ngena konsep baru Konsep nya deka beratka atur ngemansangka pengawa betanam betupi nengah disikap ngena teknologi baru
MIRI: Lebih 10 iku kaban gerempung ukai dikuasa perintah ( NGO) Dayak, Terabai Menua (TM) Pampang Miri udah ngagai Rumah Linggu, Sungai Pakut in Sibut kena 10 April, nganjung bantu enggau pemeri ngagai ruang bilik seranta ti baru udah ditinggal orang dikesayau sida.
Raban nya ti betuaika pemangku chairman TM, Wilfred Nissem enggau Ketuai Biro Pemadah TM, Thomas Patrick.
“Batang pejalai tu deka nganjung bantu pemakai nyengkaum berau ngagai sida ti sebilik enggau niang Jelemi Mamut, 83 taun, sebilik, ti udah midang ketegal umur tuai.
“Kami bisi dipadah bala kaban pasal sida tu sebilik, lalu kami tekala nya bepupu antara bala kaban enggau bakih diri mantu sida,” ku Thomas.
Taja bantu tu enda mayuh, iya ngarapka ulih ngelempungka tating belanja sida sebilik lebuh betapi enggau penusah. KUCHING: Atur ngaga ubah di menua pesisir deka nguna konsep baru program pemansang menua pesisir.
Kepala Menteri Datuk Patinggi Abang Johari Tun Openg madah konsep nya beratka atur ngemansangka pengawa betanam betupi.
Ku iya, program pemansang nya deka disaup nengah atur nyikap pengawa betanam betupi nengah teknologi baru.
“Teknologi baru deka ngangkatka pemisi ari asil betanam betupi lalu kitai mega beratka pemansang modal mensia,’ku iya ba aum pengarang berita kemari.
Dulu agi ari nya Abang Johari udah nutup program nyuaka “Sijil Tadbir Urus Desa Infra-UniKL Zon Sarawak ke diatur di DeTAR Putra Universiti Malaysia Sarawak(Unimas) ditu.
Ba sentang pengawa ngemansang modal mensia, Abang Johari madah Institut Kemajuan Desa(Infra) deka mantu lalu sebuah kampus Infra di Samarahan benung digaga diatu.
Infra nyadi sebengkah palan pematih Opis Menteri Pemansang Menua Pesisir enggauKandangMenua(KKLW) lalu deka nyendia latih ngagai peranak menua pesisir.
Ba jaku iya rambai program nya, Abang Johari madah perintah nengah embing iya seruran deka beratka pemansang peranak di menua pesisir.
Ungkup pemaik orang betanam betupi, iya madah perintah udah meli seiti bilun kargo ngambi ulih dikena nganjung asil betanam betupi.
“Aku udah meli seiti bilun ‘khas’ ke ulih ngundan kargo pemerat 3 tan. Ambika chunto paku miding kitai ke dikerindu peranak Singapura, paku miding nya ulih dianjung dalam timpuh 2 jam ngena bilun.
“Lalu pia mega enggau berau Bario kitai, enti dibungkus manah lalu dijual nengah rega 15 dolar duit Singapura, ditukar ngagai duit kitai manggai RM45.
“Kitai mega bisi buah kristal ke nadai di menua bukai, buah tu mar lalu ulih dijual ngagai menua luar. Rayat deka senang lalu penatai pemisi deka nambah,’ku iya.
Ketegal tu mih kitai keran deka ngadu ubah ba pengawa betanam betupi di menua pesisir, tandu Abang Johari.
Penyampai 1,100 iku bala ketuai bansa ari Pelilih Kuching, Bau, Lundu, Serian, Simunjan, Tebedu, Lubok Antu enggau Betong datai ngulu kus berengkah 10 nyentuk 12 April nya.
Bela datai Sapit Kepala Menteri Datuk Amar Douglas Uggah, Sapit Menteri KKLW Datuk Alexander Nanta Linggi, Menteri Opis Kunsil enggau Berumah Datuk Dr. Sim Kui Huan, Menteri Utiliti Dato Sri Dr.Stephen Rundi enggau Sekretari Perintah Nengeri Tan Sri Datuk Amar Mohd Morshidi Abdul Ghani.