Rayat keran meda Sarawak terus nerima pemansang
BINTULU: Rayat nengeri tu nginginka Sarawak ulih terus maju dalam Malaysia nengah iring perintah ti bebendar ngatur pemaik ungkup dudi hari.
Exco Serakup Nembiak Nasional Bersatu Sarawak (SABERKAS), Ismawi Ishak madah, juluk nya ulih dijapai nengah pengawa digaga perintah Sarawak ke seruran bebendar ngaduka Sarawak nyadi nengeri pemadu mansang dalam Malaysia.
Ku iya, pekara dikemerat perintah nengeri mega iya nya nyaga penyerakup eng- gau pengerapit kaul nengah basa enggau pangan diri entara rayat pupu bansa di Sarawak.
“Ngerembaika ekonomi lalu nyendiaka pengidup ke lebih menyana ngagai rayat endang juluk semua rayat di nengeri tu,” ku iya lebuh nimbal pasal Manifesto Barisan Nasional(BN) Sarawak ungkup Pengawa Bepilih Besai Ke-14 (PRU14) kemari.
Nya alai, ku iya manifesto BN Sarawak ungkup pengawa bepilih besai tu endang engkeman, baru sereta pragmatik.
Enam batang pekara dalam Manifesto BN Sarawak PRU14 iya nya : (1)Terus nyaga hak Sarawak eggau ngetanka pengelantang enggau penyenang.
(2) Majak nyendiaka perengka guna enggau peluang belajar ke menyana agi.
(3) Majak ngaduka transformasyen menua pesisir. (4) Majak ngangkatka kualiti pengidup rayat. (5) Majak nyendiaka peluang-peluang baru engagu pengelantang ke end putus. Kelimpah (6) majak ngemeranka atur pengawa ke manah sereta bisi integriti.