Manifesto BN nentuka menua pesisir deka ngasaika pemansang

KUCHING: Sarawak bulih dividen manggai RM20 bilion ari atur beranakka puku ba Malaysia Liquid Natural Gas (MLNG) kenyau MLNG ditumbuh.

Kepala Menteri Datuk Patinggi Abang Johari Tun Openg madah, ba LNG1 Sarawak bulih dividen ba penyampau RM5.3 bilion.

“Ba LNG 2 Sarawak bulih dividen sepenyampau RM8.1 bilion lalu ba LNG3 dividen ba penyampau RM5.8 bilion,’ku iya ba aum pengarang berita pengudah ngemata pengawa nyain sempekat pemereti Ati ( MoU) entara Opis Pekara Wang Nengeri (SFC) enggau Shell Gas Holdings(Malaysia) Limited.

Ba sempekat nya, SFC ngambi 15 peratus syer ari Shell Gas Holdings(Malaysia).

Dulu agi ari tu SFC (Perintah Nengeri) nguasa 10 peratus syer ba MLNG Tiga.

Ngenang sentang atur ngulihka 15 peratus syer ari Shell ba MLNG Tiga, Abang Johari madah nya sebengkah strategi beranakka puku Perintah Nengeri ba pengawa minyak enggau gis.

Nengah sempekat nya ku iya Sarawak diatu nguasa 25 peratus syer ba Malaysia LNG Tiga Sdn Bhd (MLNG Tiga) lalu lumur dua pemadu besai pengudah Petronas ti nguasa 60 peratus.

“Nengah chara tu aku pechaya dalam timpuh ke pandak kitai deka muka kandang endur ke baru.

“Sarawak deka ngambi bagi ba pengawa ‘upstream’ sereta ‘downstream’ ke bekaul enggau minyak sereta gis,”ku iya.

Pemegai syer bukai di MLNG Tiga iya nya Nippon Oil Finance (Netherlands) B.V 10 peratus enggau Diamond Gas (Netherlands) 5 peratus.

“Nengah puku tambah ke diperanak di MLNG Tiga enggau puku ke diperanak di Komplek Bintulu LNG baka ke di MLNG, MLNG Dua enggau 10 peratus di MLNG Train 9, kitai nyadang Sarawak deka bulih penatai pemisi ke meruan,’ku iya.

Ba pengawa kemari, sempekat disain Sekretari Pekara Wang Sarawak Datuk Seri Ahamad Tarmizi Sulaiman enggau Chairman Shell Malaysia, Datuk Ian Lo.

Bela datai Menteri Pekara Wang II Dato Sri Wong Soon koh, Menteri Utiliti Dato Sri Dr. Stephen Rundi, Sekretari Perintah Nengeri Tan Sri Datuk Amar Mohd Morshidi Abdul Ghani enggau Menteri Muda Industri enggau Beranakka Puku Malcolm Mussen. KUCHING: Raban tuai rumah ari Pelilih Sri Aman pechaya manifesto Barisan Nasional (BN) Sarawak ungkup Pengawa Bepilih Besai ke- 14 ( PRU14) deka nentuka kandang menua pesisir ngasaika pemansang dalam timpuh lima taun ti deka datai.

Tr. Denis anak Thomas (Liu C, Bayai, Sri Aman) madah, manifesto nya chukup manah lalu ungkup pemaik peranak di menua pesisir ketegal mengkang bisi rumah panjai ke jauh di menua pesisir bedau ngasaika pemansang.

Pemansang nya ku iya, engka ari sukut nyendiaka jalai alun ke menyana sereta bekal ai beresi, nyengkaum bekal lekterik.

Nengah manifesto BN ti deka nyungkak transfor- masyen menua pesisir ku Tr Denis, kandang endur ke mengkang kurang nya jemah ila deka ngasaika pemansang ari sukut perengkaguna ke diberi perintah BN.

“Dalam timpuh lima taun tu, genturung pendiau ke bedau datai jalai udah tentu deka digagaka jalai alun. Lalu pia mega bekal ai beresi sereta bekal lektrik.

“Perengkaguna tu ungkup pengelantang rayat ke alai BN nengah manifesto PRU14 ke baru dilanchar deka beratka rayat, nyengkaum kitai di menua pesisir,’ku iya lebuh dikerandau ba program nyuaka ‘Sijil Tadbir Urus Desa Infra- UniKL, di Unimas ensanus.

Urung 1,100 iku bala TR/ KK ari Pelilih Kuching, Bau, Lundu, Serian, Simunjan, Tebedu, Lubok Antu enggau Betong datai ngulu program ke dipenyadi Kepala Menteri Datuk Patinggi Abang Johari Tun Openg.

Tr. Denis mega madahka pengeran perintah BN Sarawak betuaika Abang Johari ti deka ngambi pulai hak Sarawak nitihka Sempekat Malaysia 1963(MA63) deka nentuka Sarawak mansang ba pekara ekonomi.

Ku iya, nengah ekonomi ke tegap, BN ulih ngemujur semua projek pemansang di nengeri tu.

“Ngembuan ekonomi ke tegap reti nya kitai ngembuan penegap ba pekara belanja lalu ulih dikena ngemujur tetiap projek ke udah diperambu.

“Semua nya ungkup pemansang Sarawak enggau pemaik rayat nyengkaum kitai di menua pesisir,’ ku Tr. Denis.