Bai bala anak ngerami Festival Anak Mit Sarawak 2018 berengkah 21-22 April
KUCHING: Pustaka Negeri Sarawak (Pustaka)deka ngatur Festival Anak Mit Sarawak 2018 ke deka digaga kena 21 enggau 22 April tu berengkah ari pukul 10 pagi ngagai 5 lemai, ke deka digaga di Pustaka ditu.
Festival program dua hari, ke enda ngetu sereta merindangka ati nya, diungkup ke bala anak mit ke berumur entara empat ngagai 12 taun.
Nitih ku penerang pengarang berita kemari, festival nya dipelabaka deka mai sereta, penulis, ilustrator, penyair, artis, saintis sereta pustakawan ngulu randau sereta deka bekunsika penemu lalu meri kelala teknologi ngagai bala anak mit sereta sida sebilik.
Pemerat festival tu laban deka ngeramika pengaga ati macha, ngemaru sereta ngangkatka seni becherita, ngemansangka pengarap ba diri empu (confidence) sereta pengelandik anak mit bejaku ba mua orang mayuh.
Festival ti digaga nya, sebagi ari program ke digaga begulai enggau Opis Kedutaan Amerika Syarikat Kuala Lumpur, SEDIDIK, Wildlife Conservation Society, Sarawak Eco Warriors, IKA Picture Story House, Kiddo Science Tabuan Tranquility, Flint & Steel Borneo, IntoDesign Lab, Happy Brain Sdn Bhd, Fun Art Club, Small Town Art Market, Little Entrepreneurs, Digital Economy Hub, Miss Voon Siok Hui enggau Kuching Youth Jam sereta AVL.
Bamacham pengawa deka digaga baka program pencherita entarabansa, eksperimen sains, meri kelala pasal jaku enggau musik, bengkel seni enggau kraf, pengawa ke bisi bekait enggau sains, teknologi, injinia, sastera enggau matematik (STEAM), Penemu ’Eco’, Pengawa Nyelak ngena 3D, main tradisional, pemerindang sereta bemacham main bukai.
Bela bisi diatur ba program nya, iya nya pengawa pemansang pasal bup, barang pengelandik jari ke ulih dibeli sereta mayuh macham kedai bejualka pemakai sereta ai irup.
Festival t dibuka ngagai mensia mayuh enggau pechuma sereta enda ibuh ngerijista diri empu.
Enti bisi tanya ke silik agi bekait enggau program tu, tau nalipaun Razak Rambili ba lumur talipaun 082-442000 samb 348 tauka 019-8441048 tauka nganjung emel ngagai razakr@ sarawak. gov. my tauka Melinda Siew di lumur talipaun 012-3092621.